మీ ఫ్యామిలీ ఫ్యూచర్ను సేఫ్గా ఉంచాలంటే.. వీటికి మించిన సెక్యూర్డ్ ప్లాన్స్ లేవు! అవేంటంటే..?
మన దేశంలోనే అతిపెద్ద బీమా సంస్థ LIC ఇటీవల ప్రొటెక్షన్ ప్లస్ (886), బీమా కవచ్ (887) అనే రెండు కొత్త ప్లాన్లను ప్రవేశపెట్టింది. ఈ ప్లాన్లు వేర్వేరు అవసరాల కోసం రూపొందించబడ్డాయి. ప్రొటెక్షన్ ప్లస్ పెట్టుబడి, బీమాను అందిస్తుండగా, బీమా కవచ్ కేవలం లైఫ్ కవర్ను అందిస్తుంది.
మన దేశంలోనే అతిపెద్ద బీమా సంస్థ LIC ఇటీవల రెండు కొత్త ప్లాన్లను ప్రవేశపెట్టింది. అవి.. LIC ప్రొటెక్షన్ ప్లస్ (ప్లాన్ 886), LIC బీమా కవచ్ (ప్లాన్ 887). రెండు ప్లాన్లు వేర్వేరు అవసరాల కోసం రూపొందించారు. దీని ప్రత్యేకత దానికి ఉంది. పొదుపు, పెట్టుబడితో పాటు బీమాను కోరుకునే వారి కోసం ఒక ప్లాన్, మరొక ప్లాన్ ఫ్యూర్గా లైఫ్ కవర్ను అందిస్తుంది.
LIC ప్రొటెక్షన్ ప్లస్ - (పొదుపు, లైఫ్ ఇన్సూరెన్స్).. LIC ప్రొటెక్షన్ ప్లస్ అనేది నాన్-పార్టిసిపేటింగ్, లింక్డ్ లైఫ్ ఇన్సూరెన్స్ ప్లాన్, ఇది లైఫ్ కవర్, పెట్టుబడి అవకాశాలను అందిస్తుంది. ఈ ప్లాన్ స్పెషాలిటీ ఏంటంటే.. పాలసీదారులు తమకు నచ్చిన పెట్టుబడి నిధిని ఎంచుకోవచ్చు, వారి అవసరాల ఆధారంగా ప్రాథమిక హామీ మొత్తాన్ని సర్దుబాటు చేయవచ్చు, అదనపు టాప్-అప్ ప్రీమియంలను చెల్లించవచ్చు. ఇంకా పాలసీ ప్రారంభించిన ఐదు సంవత్సరాల తర్వాత పాక్షిక ఉపసంహరణలు కూడా అందుబాటులో ఉంటాయి. ఇది అవసరమైనప్పుడు నిధులను ఉపసంహరించుకోవడం సులభం చేస్తుంది.
పాలసీ వ్యవధి.. ఈ పథకంలో చేరడానికి కనీస ప్రవేశ వయస్సు 18 సంవత్సరాలు, గరిష్ట వయస్సు 65 సంవత్సరాలు. పాలసీ కాలపరిమితి 10, 15, 20, 25 సంవత్సరాల నుండి ఎంచుకోవచ్చు, ప్రీమియం చెల్లింపు వ్యవధి (PPT) కూడా తదనుగుణంగా మారుతుంది. గరిష్ట ప్రీమియం పరిమితి లేదు, కానీ ఇది LIC అండర్ రైటింగ్ పాలసీపై ఆధారపడి ఉంటుంది.
LIC బీమా కవచ్.. LIC బీమా కవచ్ (ప్లాన్ 887) అనేది నాన్-లింక్డ్, నాన్-పార్టిసిపేటింగ్ ప్లాన్, అంటే రిస్క్ కవర్ పూర్తిగా స్థిరంగా, హామీ ఇవ్వబడింది. భారీగా పెట్టుబడి పెట్టే ఇబ్బంది లేకుండా తమ కుటుంబాన్ని రక్షించుకోవాలనుకునే వారి కోసం ఈ ప్లాన్ రూపొందించారు. ఈ ప్లాన్లో పాలసీదారుడు మొత్తం కాలానికి స్థిర హామీ మొత్తాన్ని పొందాలా లేదా కాలక్రమేణా పెరుగుతున్న హామీ మొత్తాన్ని పొందాలా అని ఎంచుకోవచ్చు.
పాలసీ వ్యవధి.. బీమా కవచ్లో చేరడానికి కనీస ప్రవేశ వయస్సు 18 సంవత్సరాలు, గరిష్ట వయస్సు 65 సంవత్సరాలు. పాలసీ మెచ్యూరిటీ వయస్సు 100 సంవత్సరాల వరకు ఉండవచ్చు, ఇది దీర్ఘకాలిక రక్షణ కోరుకునే వారికి మరింత అనుకూలంగా ఉంటుంది. ఈ పథకంలో కనీస బీమా మొత్తం రూ.2 కోట్లు, ఇది అధిక కవరేజ్ కేటగిరీలో ఉంచబడుతుంది. ప్రీమియం చెల్లింపు ఎంపికలు కూడా చాలా సరళమైనవి, సింగిల్ ప్రీమియం, పరిమిత చెల్లింపు (5, 10, లేదా 15 సంవత్సరాలు), సాధారణ చెల్లింపు వంటి ఎంపికలతో. పాలసీ వ్యవధి కూడా ప్రీమియం చెల్లింపు పద్ధతిపై ఆధారపడి ఉంటుంది, 10 సంవత్సరాల నుండి 82 సంవత్సరాల వరకు ఉండవచ్చు.