Ms Dhoni Daughter: ఎంఎస్ ధోని కూతురు ఏ స్కూల్లో చదువుతుంది? ఫీజు ఎంతో తెలిస్తే షాకవుతారు!
Ms Dhoni Daughter:భారత క్రికెట్ జట్టు మాజీ కెప్టెన్ ఎంఎస్ ధోని ప్రపంచ క్రికెట్లో తనదైన ముద్ర వేశాడు. కెప్టె్న్ కూల్ గా ధోనీ పేరు ఎప్పటికీ నిలిచి ఉంటుంది. ధోనీ కుమార్తెకు కూడా ఫ్యాన్స్ ఉన్నారు. అప్పుడప్పుడు ఆమె చేసే అల్లరి చూసి సంబరపడిపోతుంటారు. ధోనీ కుమార్తె జీవా..
MS ధోని గురించి పరిచయం అవసరం లేదు. భారత క్రికెట్ను కింది స్థాయి నుండి పైకి తీసుకెళ్లడంలో కూడా ఆయన ముఖ్యమైన పాత్ర పోషించారు. భారత క్రికెట్లో అత్యంత విజయవంతమైన కెప్టెన్లలో ధోని ఒకరు. అతను 2007 టీ20 ప్రపంచ కప్, 2011 వన్డే ప్రపంచ కప్, 2013 ఛాంపియన్స్ ట్రోఫీలో భారతదేశాన్ని విజయాల వైపు నడిపించాడు.
ఈ మూడు ప్రధాన ఐసిసి టైటిళ్లను గెలుచుకున్న ఏకైక కెప్టెన్ అతనే. అతని అభిమానులు అతనికి సంబంధించిన ప్రతిదీ తెలుసుకోవాలనుకుంటారు. ఎంఎస్ ధోని కుమార్తె జీవా ఎక్కడ చదువుతుంది? ఆమె స్కూల్ ఫీజు ఎంత? పూర్తి వివరాలు తెలుసుకుందాం.
జీవా ఫిబ్రవరి 6, 2015న జన్మించింది. ET నివేదిక ప్రకారం.. జీవా జార్ఖండ్లోని రాంచీలోని టౌరియన్ వరల్డ్ స్కూల్లో చదువుతుంది. రాంచీ ధోని సొంత నగరం. ఈ పాఠశాలను అమిత్ బజ్లా 2008 సంవత్సరంలో ప్రారంభించారు. ఆయన లండన్ స్కూల్ ఆఫ్ ఎకనామిక్స్లో చదువుకున్నారు.
అలాగే ఈ పాఠశాలకు ఛైర్మన్గా ఉన్నారు. ఈ పాఠశాల 65 ఎకరాలలో విస్తరించి ఉంది. చదువులతో పాటు క్రీడలు, ఇతర విషయాలపై కూడా దృష్టి పెడుతుంది. దీనిని జార్ఖండ్లోని నంబర్ వన్ బోర్డింగ్ స్కూల్ అని పిలుస్తారు. ఇక్కడ సేంద్రీయ వ్యవసాయం, గుర్రపు స్వారీ వంటి ప్రత్యేక కార్యక్రమాలు కూడా ఉన్నాయి.
జీవా స్కూల్ ఫీజు ఎంత? : టౌరియన్ వరల్డ్ స్కూల్ LKG నుండి 12వ తరగతి వరకు విద్యను అందిస్తుంది. ఎల్కేజీ నుండి 8వ తరగతి వరకు వార్షిక ఫీజు దాదాపు రూ.4.70 లక్షలు. 9వ తరగతి నుండి 12వ తరగతి వరకు ఫీజు సంవత్సరానికి దాదాపు రూ.5.10 లక్షలు. ఈ రుసుములో పుస్తకాలు, యూనిఫాంలు, అధ్యయన సామగ్రి ఉంటాయి.