Credit Card Rules: క్రెడిట్ కార్డు నియమాలను మార్చిన ఆర్బీఐ.. బ్యాంకులకు కీలక ఆదేశాలు!
సాధారణంగా బ్యాంకులు క్రెడిట్ కార్డులు జారీ చేసే ముందు మీకు నచ్చిన కార్డు కాకుండా బ్యాంకు సెలెక్ట్ చేసిన కార్డులనే అందజేస్తుంది. అయితే మీకు క్రెడిట్ కార్డు జారీ చేసే బ్యాంకు ఎలాంటి కార్డు ఇస్తుందో మీ వద్దకు వచ్చే వరకు తెలియదు. ఈ నేపథ్యంలో రిజర్వ్ బ్యాంక్ ఆఫ్ ఇండియా నియమాలను మార్చింది. వినియోగదారులు వారికి నచ్చిన క్రెడిట్ కార్డులను ఎంచుకునే..
ప్రతి క్రెడిట్ కార్డుకు పరిమితి ఉంటుంది. తరచుగా ప్రజలు తమ క్రెడిట్ పరిమితిలో 70 నుండి 80 శాతాన్ని పండుగ సీజన్లో ఉపయోగిస్తారు. ఇది మీ క్రెడిట్ స్కోర్పై ప్రతికూల ప్రభావం చూపుతుంది. మీ క్రెడిట్ వినియోగ నిష్పత్తిని 30 శాతం లోపల ఉంచడానికి ప్రయత్నించండి.
ఇప్పుడు మీకు నచ్చిన కార్డ్ నెట్వర్క్ను ఎంచుకునే స్వేచ్ఛ లభిస్తుంది. మీరు మీ క్రెడిట్ కార్డ్ కోసం ఏదైనా నెట్వర్క్ వీసా లేదా మాస్టర్ కార్డ్ లేదా రూపేని ఎంచుకోవచ్చు.
ఈ మేరకు మార్చిలో రిజర్వ్ బ్యాంక్ ఆఫ్ ఇండియా (ఆర్బీఐ) సర్క్యులర్ను జారీ చేసింది. దీని ద్వారా, బ్యాంకులు, నాన్-బ్యాంక్ క్రెడిట్ కార్డ్ జారీచేసేవారు కార్డ్ నెట్వర్క్లతో ప్రత్యేక ఒప్పందాలు చేసుకోకుండా నిషేధించారు. క్రెడిట్ కార్డ్లను జారీ చేసే బ్యాంకులు, ఆర్థిక సంస్థలు కస్టమర్లు తమకు నచ్చిన క్రెడిట్ నెట్వర్క్ను ఎంచుకునే అవకాశాన్ని కల్పించాలని ఆర్బిఐ సూచించింది.
చాలా కాలంగా క్రెడిట్ కార్డ్లను జారీ చేసే బ్యాంకులు లేదా ఆర్థిక సంస్థలలో వీసా, మాస్టర్కార్డు మొదటి ఎంపిక. రూపే నెట్వర్క్ విస్తరణతో వారు ఇప్పుడు పోటీని ఎదుర్కొంటున్నారు. ఆర్బీఐ తీసుకున్న ఈ చర్యతో కస్టమర్లు లాభపడతారని నిపుణులు చెబుతున్నారు. ఈ నియమం అమెరికన్ ఎక్స్ప్రెస్కు మినహాయించబడింది. ఇది దాని స్వంత స్వతంత్ర నెట్వర్క్ను నిర్వహిస్తుంది.
పండుగల సమయంలో ప్రజలు ఆలోచించకుండా షాపింగ్ చేస్తుంటారు. క్రెడిట్ కార్డ్ చేతిలో ఉన్నప్పుడు వారు దీన్ని తరచుగా చేస్తారు. కానీ మీరు ఈ పొరపాటును నివారించాలి. పండుగ కోసం షాపింగ్ చేసే ముందు మీ బడ్జెట్ను నిర్ణయించుకోండి. దీని తర్వాత మాత్రమే షాపింగ్కు వెళ్లండి.