Broccoli vs Cauliflower: బ్రొకోలి.. క్యాలీఫ్లవర్.. ఏది ఆరోగ్యానికి మంచిది? నిపుణులు ఏం చెబుతున్నారంటే
చాలా మంది బ్రొకోలి.. క్యాలీఫ్లవర్.. ఈ రెండింటిలో ఒకే విధమైన పోషకాలు ఉంటాయని అనుకుంటారు. కానీ ఇది నిజం కాదు. వీటిని తీసుకోవడం వల్ల వివిధ రకాల మినరల్స్, విటమిన్లు ఆరోగ్యానికి మేలు చేస్తాయి. అయితే వీటిల్లో ఏది తీసుకుంటే మంచిది అనే విషయం చాలా మందికి తెలియదు..
బ్రొకోలి.. క్యాలీఫ్లవర్.. రెండూ చూసేందుకు ఒకేలా ఉంటాయి. అయితే ఒకటి తెల్లగా ఉంటుంది, మరొకటి ఆకుపచ్చగా ఉంటుంది. ఈ వెజిటేబుల్ చాలా ప్రత్యేకం. ఇటీవల ఆరోగ్య స్పృహ ఉన్నవారిలో ఈ కూరగాయలను తినే ధోరణి మరింత పెరిగింది. అయితే బ్రోకలీ తినడం నిజంగా ఆరోగ్యానికి మంచిదేనా? లేక కాలిఫ్లవర్ మంచిదా? ఇక్కడ తెలుసుకుందాం..
నిజానికి, బ్రోకలీలో విటమిన్ సి, విటమిన్ కె, ఫైబర్ పుష్కలంగా ఉంటుంది. జీర్ణ రుగ్మతలను నివారించడానికి, శరీర మొత్తం రోగనిరోధక శక్తిని పెంచడానికి ఇది చాలా ఉపయోగకరంగా ఉంటుంది. బ్రోకలీ గుండెను ఆరోగ్యంగా ఉంచుతుంది.
ఒక కప్పు బ్రోకలీలో మూడు నుంచి మూడున్నర గ్రాముల కాల్షియం ఉంటుంది. ఇది క్రమం తప్పకుండా తీసుకుంటే మొత్తం ఎముకల ఆరోగ్యాన్ని మెరుగుపరచడంలో ప్రభావవంతంగా పనిచేస్తుంది. బ్రకోలీ తినడం వల్ల ఆక్సీకరణ హార్మోన్ల స్రావాన్ని పెంచుతుంది. ఈ హార్మోను స్రవించడం వల్ల ఒత్తిడిని తగ్గించి అలసటను దూరం చేస్తుంది.
అదే కాలీఫ్లవర్ కూడా ఎన్నో ఆరోగ్య ప్రయోజనాలు ఉన్నాయి. ఇందులో విటమిన్ సి పుష్కలంగా ఉంటుంది. కాలీఫ్లవర్లో విటమిన్ కె అధికంగా ఉంటుంది. కాబట్టి దీనిని తినడం వల్ల ఎముకల ఆరోగ్యం కూడా మెరుగుపడుతుంది. చాలా మందికి రక్తం గడ్డకట్టే సమస్యలు ఉంటాయి. కాలీఫ్లవర్ ఆ గడ్డలను నివారించడంలో సహాయపడుతుంది. కాలీఫ్లవర్లో కోలిన్ ఉంటుంది. ఈ కోలిన్ సరైన మోతాదులో శరీరంలోకి వెళితే మంచి నిద్రకు ఎంతగానో ఉపయోగపడుతుంది. కాలిఫ్లవర్ జ్ఞాపకశక్తిని, కండరాలకు రక్త ప్రసరణను పెంచడానికి కూడా సహాయపడుతుంది.
అయితే కాలీఫ్లవర్ లేదా బ్రోకలీ? ఏది తింటే మంచిది అనేది ప్రశ్న తలెత్తితే.. నిపుణుల అభిప్రాయం ప్రకారం బ్రోకలీ, కాలీఫ్లవర్ రెండింటినీ తినడం శరీరానికి చాలా ఉపయోగకరంగా ఉంటుంది. శరీరంలో ఏ రకమైన పోషకాహారం ఎక్కువగా అవసరమో దాని ప్రకారం కూరగాయలను ఎంచుకోవాలి. శరీరంలో విటమిన్లు లేదా ఫైబర్ లోపం ఉన్న వ్యక్తికి బ్రోకలీ మంచిది. బరువు తగ్గడానికి తక్కువ కేలరీల ఆహారం కావాలంటే కాలీఫ్లవర్ తీసుకోవడం మంచిది.