Biryani Cooking Tips: ఇంట్లో చేసే బిర్యానికి రెస్టారెంట్ రుచి రావాలంటే.. ఈ 5 ట్రిక్స్‌ ఫాలో అవ్వాలి
బిర్యానీ పేరు వింటేనే ఆకలి మరికొంత పెరుగుతుంది. బిర్యానీని ఇష్టపడని వారు దాదాపు ఉండరనే చెప్పాలి. అయితే బిర్యానీ రెగ్యులర్‌గా తినడం మంచిదేనా? అంటే.. రోజూ బయట తినడం మంచిది కాదు. వెజ్‌ బిర్యానీ అయినా, చిల్లీ చికెన్ బిర్యానీ అయినా ఇంట్లో తయారుచేసినది తింటే ఆరోగ్యానికి ఎలాంటి డోకా ఉండదు. తరచూ రెస్టారెంట్ బిర్యానీ తింటే ఆరోగ్యం షెడ్డుకు వెళ్లడం గ్యారెంటీ..
బిర్యానీ పేరు వింటేనే ఆకలి మరికొంత పెరుగుతుంది. బిర్యానీని ఇష్టపడని వారు దాదాపు ఉండరనే చెప్పాలి. అయితే బిర్యానీ రెగ్యులర్‌గా తినడం మంచిదేనా? అంటే.. రోజూ బయట తినడం మంచిది కాదు. వెజ్‌ బిర్యానీ అయినా, చిల్లీ చికెన్ బిర్యానీ అయినా ఇంట్లో తయారుచేసినది తింటే ఆరోగ్యానికి ఎలాంటి డోకా ఉండదు. తరచూ రెస్టారెంట్ బిర్యానీ తింటే ఆరోగ్యం షెడ్డుకు వెళ్లడం గ్యారెంటీ.
అయితే ఇంట్లో తయారుచేసిన బిర్యానీకి.. రెస్టారెంట్ బిర్యానీ రుచి రాదు. బిర్యానీ వండేటప్పుడు ఈ చిన్న చిన్న చిట్కాలు ట్రై చేస్తే రెస్టారెంట్ టేస్ట్‌ వచ్చేలా ఇంట్లోనే సింపుల్‌గా తయారు చేసుకోవచ్చు. అవేంటో ఇక్కడ తెలుసుకుందాం..
బిర్యానీ చేసేటప్పుడు ప్యాక్ చేసిన మసాలాలు ఉపయోగించవద్దు. లవంగాలు, చిన్న ఏలకులు, షాజిరే, షామ్రిచ్, జాజికాయ, జైత్రి, పెద్ద ఏలకులు, దాల్చిన చెక్క వంటి మసాలా దినుసులను పొడి బాణలిలో వేయించాలి. బిర్యానీలో ఎల్లప్పుడూ ఇలాంట తాజా మసాలాలు ఉపయోగించాలి.
బిర్యానీలో లీన్ మీట్ ఉపయోగించాలి. చికెన్ అయినా, మటన్ అయినా దానిలో తగినంత నూనె లేదా నెయ్యి వేయడం మర్చిపోకూడదు. అలాగే బిర్యానీ రైస్ చేయడానికి 30 నిమిషాల ముందు బియ్యాన్ని కడిగి నీటిలో నానబెట్టాలి. బియ్యం ఉడుకుతున్నప్పుడు నీటిలో ఉప్పు, వెనిగర్ కలపాలి. ఇలా చేస్తే బిర్యానీ అన్నం అతుక్కోకుండా పొడిగా ఉంటుంది.
మాంసాన్ని వండేముందు పుల్లని పెరుగు, బెరెస్టాతో మెరినేట్ చేయాలి. ఇది మాంసాన్ని మృదువుగా, మెత్తగా చేస్తుంది. పైగా ఆహారం రుచినీ పెంచుతుంది. చిన్న పాత్రల్లో బిర్యానీ వండకూడదు. కాస్త పెద్ద సైజు పాత్రల్లో వండటం మంచిది. అలాగే పాత్ర దిగువన కాస్త మందంగా ఉండేలా చూసుకోవాలి. పాత్రను నేరుగా మంటపై ఉంచకూడదు. తవా మీద పెట్టి బిర్యానీ చేయాలి.