Side Effects of Kajal: కంటికి కాటుకను రోజూ పెడుతున్నారా? మీరు ఏం తప్పు చేస్తున్నారో ఖచ్చితంగా తెలుసుకోండి..
మహిళల అందాన్ని(Beauty) మరింత ఇనుమడింపజేయడంలో కాటుక(Kajal) కు ప్రత్యేక స్థానం ఉంది. కంటికి కాటుక పెట్టుకున్న తరువాత ఆ కనులు ఎంతో ఆకర్షణీయంగా, అందంగా కనిపిస్తాయి. అయితే, కాటుకను రోజూ పెట్టుకోవడం వల్ల అనేక సమస్యలు తలెత్తుతాయని చెబుతున్నారు నిపుణులు.
చాలా మంది మహిళలు మేకప్ వేసుకోవడానికి ఆసక్తి కనబరుస్తారు. అందులో భాగంగా.. కంటికి కాటుకను కూడా పెట్టుకుంటారు. కాటుక.. ఆ కళ్లకు మరింత అందాన్నిస్తాయి. కళ్లు పెద్దగా కనిపించేలా, ప్రత్యేక ఆకర్షణ కలిగిస్తాయి.
ప్రస్తుత కాలంలో అనేక రకాల కాటుకలు(కాజల్) మార్కెట్లో అందుబాటులో ఉన్నాయి. అయితే, వాటిలో అధిక స్థాయిలో రసాయనాలు ఉండే అవకాశం ఉందని నిపుణులు చెబుతున్నారు. ఇది కంటి అలెర్జీలు, కళ్ళు పొడిబారిపోయే ప్రమాదాన్ని సృష్టిస్తుంది.
కాటుక తయారీ కోరసం పాదరసం, లెడ్, పారాబెన్ వంటి పదార్థాలను ఉపయోగిస్తారు. ఇది కళ్ళలో కండ్లకలకకు కారణమవుతుంది. కాటుకను ప్రతిరోజూ అప్లై చేయడం వల్ల కంటి అలర్జీ, కార్నియల్ అల్సర్‌లు, కళ్లు ఎర్రబడటం వంటివి రావచ్చు.
అంతే కాదు, కాటుక వినియోగం అతిగా ఉంటే.. కళ్లలోపల వాపు వచ్చే ప్రమాదం ఉంది.
అయితే, కాటుకను ఇంట్లో కూడా తయారు చేసుకోవచ్చని, అలా ఇంట్లో తయారు చేసిన కాటుకను వినియోగించడం ద్వారా ఎలాంటి హానీ జరుగదని నిపుణులు చెబుతున్నారు.