Ayurvedic Tips: రుచితోపాటు ఆరోగ్యం కూడా.. గోండు లడ్డు ఎప్పుడైనా తిన్నారా? ఇలా తయారు చేసుకోండి..
వాతావరణ మార్పుల వల్ల వచ్చే జలుబు, దగ్గు వస్తూనే ఉంటాయి. ప్రతి సంవత్సరం చలికాలం వస్తే ప్రతి ఇంట్లో జ్వరం, జలుబు, దగ్గు, కఫం సమస్యలు మొదలవుతాయి. దగ్గు, కఫం, జలుబు ఒక్కసారి ప్రారంభమైతే అంత త్వరగా తగ్గదు. కనీసం 20 రోజుల పాటు సమస్య కొనసాగుతుంది. ముక్కు మూసుకుపోయింది, ఊపిరి తీసుకోవడానికి ఇబ్బంది కలిగిస్తుంది. శరీరంలో ఏదైనా సమస్య వస్తే నాలుక రుచి కోల్పోతుంది. కాఫీకి బదులు అల్లం టీ, ఆయుర్వేద టీలు తరచూ తాగాల్సి వస్తుంది. నోటికి రుచిగా ఉండటమే కాకుండా ఆరోగ్యాన్ని కూడా అందించే ఆయుర్వేద ఆహారాలు కొన్నింటిని నిపుణులు..
వాతావరణ మార్పుల వల్ల వచ్చే జలుబు, దగ్గు వస్తూనే ఉంటాయి. ప్రతి సంవత్సరం చలికాలం వస్తే ప్రతి ఇంట్లో జ్వరం, జలుబు, దగ్గు, కఫం సమస్యలు మొదలవుతాయి. దగ్గు, కఫం, జలుబు ఒక్కసారి ప్రారంభమైతే అంత త్వరగా తగ్గదు. కనీసం 20 రోజుల పాటు సమస్య కొనసాగుతుంది. ముక్కు మూసుకుపోయింది, ఊపిరి తీసుకోవడానికి ఇబ్బంది కలిగిస్తుంది.
శరీరంలో ఏదైనా సమస్య వస్తే నాలుక రుచి కోల్పోతుంది. కాఫీకి బదులు అల్లం టీ, ఆయుర్వేద టీలు తరచూ తాగాల్సి వస్తుంది. నోటికి రుచిగా ఉండటమే కాకుండా ఆరోగ్యాన్ని కూడా అందించే ఆయుర్వేద ఆహారాలు కొన్నింటిని నిపుణులు సూచిస్తున్నారు. ఇవి తింటే శరీరంలో ఎలాంటి సమస్య తలెత్తదు. నడుము నొప్పి, మోకాళ్ల నొప్పులు తగ్గుతాయి. దాంతో పాటు శరీరంలో రోగనిరోధక శక్తి కూడా పెరుగుతుంది.
బాణలిలో 2 చెంచాల నెయ్యి వేసి కొద్దిగా గోండు వేసి వేయించాలి. గోండును వేయించి పక్కన పెట్టుకోవాలి. ఇప్పుడు ఆ నెయ్యిలో ఒక కప్పు మఖానా వేసుకోవాలి. మఖానా రంగు మారే వరకు వేయించాలి. మఖానా-గోండ్‌ను మిక్సీలో వేసి మెత్తగా గ్రైండ్‌ చేసుకోవాలి. ఈ పౌడర్‌లో అర లీటరు పాలు కలుపుకోవాలి అన్నీ బాగా కలపాలి. తీపి రుచికి ఒక చిన్న కప్పు పామ్ షుగర్ మిక్స్ చేసి కలుపుకోవచ్చు.
గ్యాస్ మంటను పూర్తిగా తగ్గించి అరకప్పు జీడిపప్పు, వాల్‌నట్‌లు, బాదంపప్పులు, పిస్తాలు వేసి వేయించుకోవాలి. కడాయిలో ఈ పొడి వేసి, ఒక కప్పు ఎండు కొబ్బరిని కలపాలి. ఇప్పుడు దానికి 1 టీస్పూన్‌ యాలకుల పొడి, మిరియాల పొడి, అల్లం పొడి జోడించాలి. కొద్దిగా జాజికాయ పొడి కూడా వేసుకోవాలి.
అన్నీ బాగా కలుపుకోవాలి. బాగా వేగిన తర్వాత స్టౌ ఆపు చేసి దించుకోవాలి. ఒక డిష్ లోకి తీసుకుని చల్లారనివ్వాలి. దీనిని చిన్న చిన్న లడ్డుగా తయారు చేసుకుంటే సరి. చలికాలంలో రోజుకు ఒక లడ్డు తింటే చాలా ప్రయోజనాలను పొందవచ్చు.