ఇదేం చేస్తుందిలే అనుకునేరు.. పొట్ట గుట్టనే మటాస్ చేస్తుంది.. డైలీ ఇలా చేస్తే..
ఉరుకులు పరుగుల జీవితం.. అనారోగ్యకరమైన ఆహారం.. చెడు జీవనశైలి.. వీటన్నింటి మధ్య ఊబకాయం సమస్య పెను ప్రమాదంగా మారుతోంది.. అన్ని సమస్యలు.. అనారోగ్యకరమైన జబ్బులకు ఊబకాయం కారణమని.. ఇది మున్ముందు పెను ప్రమాదంగా మారుతుందని వైద్యులు పేర్కొంటున్నారు.
ఉరుకులు పరుగుల జీవితం.. అనారోగ్యకరమైన ఆహారం.. చెడు జీవనశైలి.. వీటన్నింటి మధ్య ఊబకాయం సమస్య పెను ప్రమాదంగా మారుతోంది.. అన్ని సమస్యలు.. అనారోగ్యకరమైన జబ్బులకు ఊబకాయం కారణమని.. ఇది మున్ముందు పెను ప్రమాదంగా మారుతుందని వైద్యులు పేర్కొంటున్నారు. అయితే.. బెల్లీ ఫ్యాట్ తగ్గించేందుకు.. శరీర బరువు తగ్గించడంలో కీర దోసకాయ చాలా ఎఫెక్టివ్‌గా పనిచేస్తుందని డైటీషియన్లు పేర్కొంటున్నారు. దోసకాయలో నీటి శాతం ఎక్కువగా ఉంటుంది. ఇందులో కేలరీలు చాలా తక్కువగా.. ఉంటాయి.. అందుకే.. ఇది శరీర బరువు తగ్గించడంలో చాలా ప్రభావంతంగా ఉంటుంది. రాత్రి భోజనం చేసిన తర్వాత దోసకాయ తినడం వల్ల జీర్ణక్రియ మెరుగుపడుతుంది.. ఇంకా అన్నం తినే ముందు కీర దోసను సలాడ్ తీసుకోవడం వల్ల అధికంగా తినడాన్ని నివారించవచ్చు..
కీర దోసకాయను టమాటా, ఉల్లిపాయలు, కొత్తిమీర ఆకులతో కలిపి ఉప్పు, కారం, నిమ్మరసం కలిపి సలాడ్‌గా తింటే రుచిగా ఉంటుంది. ఇది బరువు తగ్గడంలో కూడా సహాయపడుతుంది.
దోసకాయను దాని పొట్టును తురుముకుని పెరుగులో ఉప్పు, జీలకర్ర పొడి, ఎండుమిరియాల పొడి, ధనియాల పొడి కలిపి తీసుకుంటే శరీరం చల్లబడి బరువు తగ్గుతుంది. దోసకాయను ముక్కలుగా కట్ చేసి సాయంత్రం పెరుగులో తిన్నా మంచిదే..
దోసకాయను కట్ చేసి అరటిపండు, పాలకూర, పెరుగుతో పాటు మిక్స్ చేసుకుని తీసుకోవాలి.. ఈ స్మూతీ అదనపు కొవ్వును కాల్చడంలో సహాయపడుతుంది.
డిటాక్స్ వాటర్ చేసుకోవాలనుకుంటే.. దోసకాయను ముక్కలుగా కోసి నీళ్లలో వేసి అందులో పుదీనా, నిమ్మరసం, అల్లం వేసి మరిగించి తాగాలి. ఈ నీరు బరువు తగ్గడానికి సహాయపడుతుంది.