పట్టులాంటి మృదువైన, ఒత్తైన జుట్టు కోరుకునే వారికి చవకైన హెయిర్‌ప్యాక్‌..! తెల్లజుట్టుకు శాశ్వత పరిష్కారం..
నేటి కాలుష్య వాతావరణంలో చాలా మంది చిన్న వయసులోనే జుట్టు సమస్యతో సతమతవుతున్నారు. అకాల జుట్టు నెరిసిపోవటం, రాలిపోవటం వంటి జుట్టు సమస్యలతో ఇబ్బంది పడుతున్నారు. అలాంటివారికి బొప్పాయి మంచి హోం రెమిడిగా నిపుణులు చెబుతున్నారు. బొప్పాయి జుట్టు పెరుగుదల, ఆరోగ్యానికి ప్రోత్సహిస్తుంది. జుట్టును మృదువుగా, మెరిసేలా చేయడంలో ప్రభావంతంగా పనిచేస్తుందని అంటున్నారు. అదేలాగో ఇక్కడ తెలుసుకుందాం..
బొప్పాయిలో, మెగ్నీషియం, రాగి, పొటాషియం, A, C విటమిన్లు, ఇతర పోషకాలను సైతం కలిగి ఉంటుంది. ఇవి జుట్టు పెరుగుదలను ప్రోత్సహిస్తాయి. చుండ్రు నివారణకు కూడా గొప్ప పరిష్కారంగా ఉంటుంది. బొప్పాయి, తలపై కాలుష్యం వంటి అంశాల కారణంగా తలెత్తే చర్మ వ్యాదులని నిరోధించడానికి సహాయపడే ఎంజైమ్స్ కలిగి ఉంటుంది. చిన్న మొత్తంలో ఉపయోగించినప్పుడు నిర్జీవమైన జుట్టుకు జీవాన్నిచ్చే కండిషనర్ వలె పనిచేస్తుంది కూడా. బొప్పాయి తొక్కలు కూడా చాలా మేలు చేస్తాయి.
బొప్పాయి తొక్కను ఉపయోగించి తెల్ల జుట్టును నల్లగా మార్చుకోవచ్చు. ఇది జుట్టు మెరుపును పెంచుతుంది. పండిన అరటిపండు, బొప్పాయి తొక్క, రెండు చుక్కల కొబ్బరి నూనె, కాఫీ పొడితో హెయిర్ మాస్క్‌ని తయారు చేసుకోవచ్చు. ఒక విటమిన్-ఇ క్యాప్సూల్‌ను కూడా అందులో వేయాలి. వీటన్నింటిని బాగా మిక్స్ చేసి పేస్ట్ లా చేసుకోవాలి. ఈ హెయిర్ మాస్క్ గ్రే హెయిర్‌ను తగ్గించడానికి చాలా ఉపయోగకరంగా ఉంటుంది.
ఈ హెయిర్ మాస్క్‌ను తయారు చేసుకోవడానికి ముందుగా పండిన అరటిపండును తీసుకోవాలి. బొప్పాయి తొక్కను గ్రైండ్ చేయండి. ఇప్పుడు ఒక గిన్నెలో అరటిపండు గుజ్జు, బొప్పాయి తొక్క పేస్ట్, కాఫీ పొడి, రెండు చుక్కల కొబ్బరి నూనె వేసి బాగా కలపాలి.
బొప్పాయి తినటం వల్ల శరీరంలో రోగ నిరోధక శక్తిని పెంచుతుంది. డెంగీ పేషెంట్లకు ఇది మంచి ఔషధంగా పనిచేస్తుంది. లివర్‌ సమస్యలు, యాసిడ్ రిఫ్లెక్స్‌ను నివారిస్తుంది. ఎసిడిటీ, ఉబ్బరం, అజీర్తిని తగ్గించడంలో సహాయపడుతుంది. డెంగీ బాధితులు బొప్పాయి ఆకుల రసాన్ని తాగితే ప్లేట్‌లెట్స్ సంఖ్య ఇట్టే పెరుగుతుంది.
కప్పు పండిన బొప్పాయి పండు తీసుకుని దానికి అరకప్పు కప్పు కొబ్బరి పాలు, 1 టీస్పూన్ తేనె యాడ్‌ చేసుకోవాలి. బాగా పండిన బొప్పాయిని తీసుకుని, దాని తొక్కను తొలగించాలి. ఇప్పుడు చిన్న చిన్న ముక్కలుగా కట్ చేసి ఒక బ్లెండర్లో వేసుకుని తాజా కొబ్బరి పాలను కూడా కలుపుకోవాలి. కొన్ని చుక్కల ముడి తేనెను కలుపుకోవాలి. మృదువుగా పేస్ట్ పట్టుకుని తర్వాత ఈ మిశ్రమాన్ని ఒక గిన్నెలోకి తీసుకోవాలి.
ఇప్పుడు ఈ మిశ్రమాన్ని ఒక సున్నితమైన బ్రష్ సహాయంతో మీ జుట్టుకు పూర్తిగా అప్లై చేసుకోవాలి. జుట్టు మొదళ్ల నుంచి కొనల వరకు బాగా పట్టించాలి. సుమారు 30 నుండి 45 నిముషాల పాటు అలాగే వదిలివేయండి. వీలయితే మీ జుట్టును కవర్ చేయడానికి షవర్ టోపీని వేసుకోవచ్చు. 45 నిమిషాల తరువాత తేలికపాటి షాంపూ, సాధారణ నీటితో వాష్‌ చేసుకోవాలి. వారంలో కనీసం ఒకరోజు ఇలా ట్రై చేయండి.. కొద్ది రోజుల్లోనే బెస్ట్‌ రిజల్ట్ చూస్తారు.