బాబోయ్.. రోజు ముక్క పచ్చి కొబ్బరి తింటే ఎన్ని లాభాలో తెలుసా..? ఈ ప్రయోజనాలు తెలిస్తే..
ఆహార రుచిని పెంచే కొబ్బరి ఆరోగ్యానికి కూడా ఒక వరం లాంటిది. పచ్చి కొబ్బరిని క్రమం తప్పకుండా తినేవారికి అనేక ఆరోగ్య ప్రయోజనాలు చేకూరుతాయని నిపుణులు చెబుతున్నారు. పచ్చి కొబ్బరిలో ఫుల్ పోషకాలు పచ్చి కొబ్బరిలో విటమిన్ ఏ, విటమిన్ బి, విటమిన్ సి, థయామిన్, రైబో ఫ్లైవిన్, నియాసిన్, కాల్షియం, కార్బోహైడ్రేట్స్, ఐరన్ ఉంటాయి. కొబ్బరి శరీరానికి శక్తిని ఇస్తుంది. దీన్లోని పోషకాలు అవయవాలు చురగ్గా పనిచేయడానికి దోహదం చేస్తాయి. అపారమైన పోషక విలువలున్న పచ్చి కొబ్బరి తినటం వల్ల కలిగే లాభాలేంటో ఇక్కడ తెలుసుకుందాం..
పచ్చి కొబ్బరి తినడం వల్ల జీర్ణ క్రియ మెరుగుపడుతుంది. పచ్చి కొబ్బరిలో డైటరీ ఫైబర్ ఉంటుంది. ఇది మన జీర్ణక్రియకు సహాయపడుతుంది. అంతేకాదు మన పేగుల ఆరోగ్యాన్ని ప్రోత్సహిస్తుంది. పచ్చి కొబ్బరి మన శరీరంలో నీటి శాతం కోల్పోకుండా చేస్తుంది.
తరచుగా కొబ్బరిని ఆహారంలో తీసుకునే వారికి మలబద్ధకం, థైరాయిడ్ సమస్యలు దూరంగా ఉంటాయి. ఇందులో ఉండే కొవ్వు, కార్బోహైడ్రేట్లు, ప్రోటీన్లు శరీరానికి అనేక విధాలుగా మేలు చేస్తాయి. పచ్చి కొబ్బరిలో ఉండే ఆరోగ్యకరమైన కొవ్వులు కొలెస్ట్రాల్ నియంత్రణకు ప్రయోజనకరంగా ఉంటాయి.
పచ్చి కొబ్బరి తినడం వల్ల గుండె ఆరోగ్యం మెరుగుపడుతుంది. మన గుండె ఆరోగ్యానికి కావలసిన ఆరోగ్యకరమైన కొవ్వులు పచ్చికొబ్బరిలో పుష్కలంగా ఉంటాయి. కొలెస్ట్రాల్ స్థాయిలను మెరుగుపరచడంలో పచ్చికొబ్బరి ఎంతగానో సహాయపడుతుంది. ఇది మన గుండె ఆరోగ్యాన్ని కాపాడుతుంది.
పచ్చి కొబ్బరిలో ఉండే యాంటీ ఆక్సిడెంట్ శరీరంలోని వ్యర్థాలను బయటకు పంపి శరీర జీవ ప్రక్రియను మెరుగుపరుస్తాయి.పచ్చికొబ్బరిని ఎక్కువగా తినడం వల్ల శరీరానికి కావలసిన శక్తి అందుతుంది. కొబ్బరిలో ఉండే పోషకాలు మన శరీరంలోని అవయవాలు చురుగ్గా పనిచేయడానికి దోహదం చేస్తాయి.
కొబ్బరిలోని మీడియం చైన్ ట్రైగ్లిజరైడ్స్ బరువు తగ్గడానికి చాలా ప్రయోజనకరంగా ఉంటాయి. కొబ్బరిలోని యాంటీఆక్సిడెంట్లు, ఫైటోకెమికల్స్, పోషకాలు గుండె జబ్బుల ప్రమాదాన్ని తగ్గించడంలో ప్రభావవంతంగా ఉంటాయి. కొబ్బరిలో ఎల్-థియనిన్ వంటి ప్రత్యేకమైన పోషకాల కలయిక ఉంటుంది. ఇది మధుమేహ వ్యాధిగ్రస్తులలో రక్తంలో చక్కెర పెరుగుదలను నివారించడంలో ప్రభావవంతంగా ఉంటుంది.