
Rare Tumor: మనుషులకు 32 పళ్లు ఉంటాయని మనకు తెలిసిందే. అయితే కొందరికి కొంచెం ఎక్కువగా లేదా తక్కువగా ఉండొచ్చని అప్పుడప్పుడు వింటుంటాం. అయితే ఇప్పుడు చెప్పబోయో వ్యక్తికి ఉన్న దంతాలు వింటే షాకవుతారు. నిజమేనండి.. ఆ వ్యక్తికి 40, 50 కాదు ఏకంగా 82 దంతాలు ఉన్నాయి. వివరాల్లోకి వెళ్తే.. బిహార్ రాష్ట్రంలో జరిగింది. పాట్నాకు చెందిన నితీష్ కుమార్ అనే 17 ఏళ్ల వ్యక్తికి 82 పళ్లు ఉన్నాయి. కాగా, నితీష్ 5 ఏళ్లుగా నోటిలో కణితితో బాధపడుతున్నాడు. దీని బాధ ఎక్కువగా ఉండటంతో డెంటిస్ట్ వద్దకు వెళ్లాడు. దీంతో నితీష్కి పలు పరీక్షలు నిర్వహించిన డాక్టర్లకు షాక్ తగిలింది. దవడలో 82 పళ్లు ఉండడం చూసి ఆశ్చర్యపడడం డాక్టర్ల వంతైంది. ఈ 82 దంతాల వల్లే నితీష్కి దవడ నొప్పిగా ఉంటుందని డాక్టర్లు తెలిపారు. దవడలో ఏర్పడిన ట్యూమర్వల్లే పళ్లన్నీ ఒకే దగ్గర భారీగా పుట్టుకొచ్చాయని వారు వెల్లడించారు.
దీనిని `ఒడొంటొమా` అంటారని డాక్టర్లు తెలిపారు. అన్ని పరీక్షల తరువాత నితీష్కు మూడు గంటలపాటు ఆపరేషన్ చేశారు. ట్యూమర్ని తొలగించి, దంతాలను తీసేశారు. అయితే, కణిత రెండు దవడలకు వ్యాపించడంతో నితీశ్ రూపం వికృతంగా కనిపించేది. డాక్టర్లు సర్జరీ చేయడంతో నితీష్ ముఖం సాధారణంగా వచ్చిందని ఇందిరా గాంధీ ఇన్స్టిట్యూట్ ఆఫ్ మెడికల్ సైన్సెస్ మెడికల్ ఆస్పత్రి డాక్టర్లు తెలిపారు.
Also Read:
Viral Pic: ఇదేంటి.! మెస్సీ, రొనాల్డో చిత్రాలు బీడీ ప్యాకెట్లపైనా.. వైరల్ అవుతున్న పోస్ట్..
Kudi Yedamaithe: అమలపాల్ ప్రధాన పాత్రలో నటించిన కుడి ఎడమైతే ట్రైలర్ లాంచ్ లైవ్ వీడియో..