Viral: పుష్ప సీన్ నిజమైన వేళ – నదిలోకి కొట్టుకొచ్చిన టన్నుల కొద్ది కలప

Wood Floating

హిమాచల్ ప్రదేశ్‌లో ఇటీవల కురుస్తున్న భారీ వర్షాల కారణంగా ఓ అరుదైన సంఘటన చోటుచేసుకుంది. కుల్లు జిల్లాలోని బీబీఎంబీ పండోహ్ డ్యామ్ వద్ద బుధవారం సాయంత్రం టన్నుల కొద్దీ కలప కొట్టుకొచ్చింది. నదిలో వర్షాల కారణంగా కొట్టుకొచ్చిన ఈ కలపతో డ్యామ్ వద్ద ఈ సీన్స్ కనిపించాయి. డ్యామ్ వద్ద కలప తేలియాడుతున్న దృశ్యాల వీడియోలు సోషల్ మీడియాలో తెగ ట్రెండ్ అవుతున్నాయి. నెటిజన్లు పుష్పరాజ్ ఎక్కడా? అంటూ ఫన్నీగా కామెంట్లు చేస్తున్నారు. ఈ సంఘటనపై ప్రతిపక్షాలు ప్రభుత్వంపై విమర్శలు గుప్పించాయి. హిమాచల్ ప్రదేశ్ అటవీ శాఖ అధికారుల వైఫల్యాన్ని విమర్శిస్తూ..’ఇక్కడ చట్ట పాలన కాదు, పుష్ప పాలన జరుగుతోంది’ అని ఆమ్ ఆద్మీ పార్టీ ఎక్స్‌లో పోస్ట్ చేసింది.