Dating App: నైస్‌గా చాట్ చేస్తే ఐస్ అయిపోయాడు.. ఆ తర్వాత అసలు ట్విస్ట్!

డేటింగ్ యాప్ వల్ల ఎన్ని లాభాలున్నాయో తెలియదు కానీ.. అంతకంటే ఎక్కువగా నష్టాలే ఉంటాయి. సైబర్ నేరగాళ్లు, గుర్తు తెలియని వ్యక్తులు ఆన్ లైన్ మోసాలకు పాల్పడుతూ లక్షలు దోచేస్తున్నారు. డేటింగ్ యాప్ వల్ల మోసపోతున్న ఘటనలు వెలుగులోకి వస్తున్నా.. చాలామంది కేటుగాళ్ల స్కెచ్ కు బలవుతున్నారు. తాజాగా సూరత్‌లోని అమ్రోలి ప్రాంతంలో నలుగురు వ్యక్తులు ఓ యువకుడిని చిత్రహింసలకు గురిచేసి లక్షలు కాజేశారు. ఈ ఘటనకు సంబంధించి అమ్రోలి పోలీస్ స్టేషన్ లో కేసు నమోదైంది.

ఓ 36 ఏళ్ల యువకుడి డేటింగ్ యాప్ లో యాక్టివ్ గా ఉంటాడు. బ్లూ లైవ్ యాప్ నుండి ఫ్రెండ్ రిక్వెస్ట్ వచ్చింది. ఆ యువకుడు వెంటనే ఒకే చేశాడు. గుర్తు తెలియని వ్యక్తి పంపిన ఫ్రెండ్ రిక్వెస్ట్‌ను యువకుడు అంగీకరించడంతో ఆన్‌లైన్ చాటింగ్ ప్రారంభమైంది. దీని తర్వాత స్వలింగ సంపర్కం కోసం ఆ యువకుడిని ప్రలోభపెట్టి అమ్రోలి ప్రాంతానికి పిలిచారు. ఓ ఇంటికి పిలిచి యువకుడి నగ్నంగా వీడియోలు తీశారు. యువకుడిని గదిలోకి ఎంటర్ అయ్యేటప్పటికే పరిస్థితి బాగా లేదు. నగ్న వీడియోలను వైరల్ చేస్తానని బెదిరించారు. యువకుడి నుంచి నలుగురు వ్యక్తులు రూ.7.50 లక్షలు డిమాండ్ చేశారు.

యువకుడి ఆర్థిక పరిస్థితి అంతంత మాత్రంగా ఉండడంతో రెండు రోజులు టైం కావాలని అడగడంతో ఒకే చెప్పారు. ఆ తర్వాత రెండున్నర లక్షల రూపాయలు ఇచ్చాడు. అయితే నిందితులు మరిన్ని డబ్బులు కావాలని డిమాండ్ చేయడం తో పోలీసులకు ఫిర్యాదు చేశాడు యువకుడు. పోలీసులు వెంటనే కేసు నమోదు చేసి దర్యాప్తు ప్రారంభించారు. కొద్ది గంటల్లోనే అమ్రోలి పోలీసులు మైనర్ సహా నలుగురు నిందితులను పట్టుకుని జైలుకు పంపారు. అరెస్టయిన నిందితుల్లో సురేష్ సఖియా, మనోజ్ చౌహాన్, అంకిత్ త్యాగి, మైనర్ నిందితులు ఉన్నారు. సోషల్ మీడియా యాప్ నుంచి ఫ్రెండ్ రిక్వెస్ట్ వస్తే అస్సలు యాక్సెప్ట్ చేయవద్దని పోలీసులు ప్రజలకు విజ్ఞప్తి చేశారు.