కంగన రనౌత్ ఇంటివద్ద కాల్పులు..పలు అనుమానాలు?

బాలీవుడ్ ఫైర్ బ్రాండ్ కంగనా రనౌత్ ఇంటి సమీపంలో తుపాకీ కాల్పుల చప్పుళ్లు కలకలం రేపాయి. ఉన్నట్టుండి తుపాకీ పేలిన శబ్ధాలు రావటంతో స్థానిక పోలీసులు వెంటనే అక్కడకు చేరుకుని రక్షణ కల్పించారు. పూర్తి వివరాలు పరిశీలించగా..

మనాలీలో కంగన రనౌత్‌కు ఓ సొంత భవనం ఉంది. ఈ భవంతి సమీపంలో శుక్రవారం ఉన్నట్లుండి తుపాకీతో కాల్పులు జరిపిన చప్పుళ్లు వినిపించాయి. ఆ సమయంలో కంగన లోపలే ఉన్నారు. ఊహించని ఈ సంఘటనతో ఖంగారు పడినప్పటికీ ఆమె వెంటనే స్థానిక పోలీసులకు సమాచారమిచ్చారు. దీంతో అక్కడకు చేరుకున్న పోలీసులు ఇంటి పరిసర ప్రాంతాల్లో బందోబస్తు ఏర్పాటు చేశారు.

అయితే, జరిగిన సంఘటనపై కంగన మాట్లాడుతూ.. తొలుత అవి తుపాకీ పేలిన చప్పుడు అని అర్థం కాలేదన్నారు. అయితే, రెండో సారి కూడా వినపడడంతో అర్థం చేసుకున్నానని చెప్పారు. స్థానికులకు డబ్బు ఆశ చూపించి ఎవరో తనను బెదిరించడానికి ప్రయత్నిస్తున్నట్లుగా ఉన్నారని కంగన ఆరోపించారు. ఇదిలా ఉంటే ఈ ఘటనపై విచారణ చేస్తున్నామని, నిందితులను త్వరగా పట్టుకుంటామని పోలీసులు తెలిపారు.