Prajwal Revanna: జేడీఎస్ ఎంపీ ప్రజ్వల్ రేవణ్ణ అరెస్ట్.. బెంగళూరు ఎయిర్‌పోర్టులో అదుపులోకి తీసుకున్న సిట్
మహిళలపై లైంగిక దాడికి పాల్పడటం, అశ్లీల వీడియోలను రికార్డు చేయడం వంటి ఆరోపణలు ఎదుర్కొంటున్న జేడీఎస్ ఎంపీ ప్రజ్వల్ రేవణ్ణను పోలీసులు అరెస్ట్ చేశారు. కర్ణాటకలోని హాసన్ ఎంపీ ప్రజ్వల్ రేవణ్ణ శుక్రవారం తెల్లవారుజామున బెంగళూరులోని కెంపేగౌడ అంతర్జాతీయ విమానాశ్రయానికి చేరుకున్న వెంటనే పోలీసులు అరెస్టు చేశారు.
మహిళలపై లైంగిక దాడికి పాల్పడటం, అశ్లీల వీడియోలను రికార్డు చేయడం వంటి ఆరోపణలు ఎదుర్కొంటున్న జేడీఎస్ ఎంపీ ప్రజ్వల్ రేవణ్ణను పోలీసులు అరెస్ట్ చేశారు. కర్ణాటకలోని హాసన్ ఎంపీ ప్రజ్వల్ రేవణ్ణ శుక్రవారం (మే 31) తెల్లవారుజామున బెంగళూరులోని కెంపేగౌడ అంతర్జాతీయ విమానాశ్రయానికి చేరుకున్న వెంటనే పోలీసులు అరెస్టు చేశారు. ప్రజ్వల్ వందలాది మంది మహిళలపై లైంగిక వేధింపులకు పాల్పడి వీడియోలు తీశారని ఆరోపించారు. లోక్‌సభ ఎన్నికలకు ముందు హాసన్‌లో రేవణ్ణ చేసిన వీడియో వైరల్‌గా మారింది. ఆ తర్వాత అతను పోలీసుల నుండి తప్పించుకుని జర్మనీకి పారిపోయాడు.
ప్రజ్వల్ రేవణ్ణ భారత్‌కు వస్తున్నట్లు కర్ణాటక పోలీసుల ప్రత్యేక దర్యాప్తు బృందం (సిట్)కు ఇంటర్‌పోల్ నుంచి సమాచారం అందింది. దీంతో శుక్రవారం తెల్లవారుజామున సిట్, బెంగళూరు పోలీసులు, ఇమ్మిగ్రేషన్‌ అధికారులు విమానాశ్రయానికి చేరుకుని రేవణ్ణ దిగగానే అరెస్ట్ చేశారు. వైరల్ వీడియోకు సంబంధించి హసన్ ఎంపీని అదుపులోకి తీసుకున్న సిట్ ఇప్పుడు విచారించనుంది. కొద్దిరోజుల క్రితం ప్రజ్వల్ రేవణ్ణ భారత్‌కు తిరిగి రావడంపై ఓ వీడియోను విడుదల చేశారు. అదే సమయంలో లైంగిక వేధింపుల ఆరోపణలతో సస్పెన్షన్‌కు గురైన జేడీఎస్ నేత రేవణ్ణతో పాటు బెంగళూరులోని సీఐడీ కార్యాలయానికి చేరుకున్న సిట్ ప్రజ్వల్‌ను వైద్య పరీక్షల నిమిత్తం ఇక్కడికి తీసుకెళ్లనున్నారు. ప్రస్తుతం అతనిని విచారించి, ఈ నేరంలో ప్రమేయం ఉన్న ఇతర వ్యక్తుల పేర్లను తెలుసుకోవడానికి ప్రయత్నాలు చేయనున్నారు.
గత ఏఫ్రిల్ నెల 26న పోలింగ్‌ ముగిసిన తర్వాత రేవణ్ణ రాసలీలల పెన్‌డ్రైవ్‌లు వెలుగులోకి వచ్చాయి. దీంతో అతడు జర్మనీకి పారిపోయాడు. పోలీసులు అతడి కోసం గాలింపు చేపట్టారు మొదట లుకౌట్‌ నోటీసులు జారీ అయ్యాయి. ఆతర్వాత బ్లూకార్నర్‌ నోటీసులు ఇచ్చారు అధికారులు. ఇదే కేసులో కోర్టు నాన్‌ బెయిలబుల్‌ వారెంట్‌ను జారీ చేసింది. ఇటీవల ప్రజ్వల్ తాత.. మాజీ ప్రధానమంత్రి దేవెగౌడ సీరియస్ వార్నింగ్‌ ఇచ్చారు. తన ఆగ్రహానికి గురి కావొద్దని.. వెంటనే బెంగళూరు రావాలంటూ ట్విట్టర్‌ వేదికగా బహిరంగ లేఖ విడుదల చేశారు. దీంతో ప్రజ్వల్ రేవణ్ణ స్వదేశానికి వస్తున్నానంటూ ఇటీవల వీడియో విడుదల చేసి.. గత అర్ధరాత్రి ల్యాండ్‌ అయ్యారు. అటు నుంచి అటే సిట్ కార్యాలయానికి తీసుకెళ్లారు పోలీసులు.
ప్రజ్వల్ రేవణ్ణ ఎలా అరెస్ట్ అయ్యారు?
హాసన్‌లో వైరల్‌గా మారిన వీడియోపై కర్ణాటక ప్రభుత్వం సిట్‌ను ఏర్పాటు చేసింది. ప్రజ్వల్ రేవణ్ణ మ్యూనిచ్ నుంచి లుఫ్తాన్సా ఎయిర్‌లైన్స్ విమానంలో వెళ్లినట్లు ఇంటర్‌పోల్ గురువారం సాయంత్రం తెలియజేసినట్లు సిట్ వర్గాలు పేర్కొన్నాయి. సిట్ అభ్యర్థన మేరకు ఇంటర్‌పోల్ ఈ నెల ప్రారంభంలో ప్రజ్వల్‌పై బ్లూ కార్నర్ నోటీసు జారీ చేసింది. అప్పటి నుంచి భారత్‌కు తిరిగి రావాలని ఒత్తిడి పెరిగింది.
ప్రజ్వల్ రేవణ్ణ శుక్రవారం తెల్లవారుజామున 12.49 గంటలకు లుఫ్తాన్సా ఎయిర్‌లైన్స్ విమానంలో బెంగళూరు విమానాశ్రయంలో దిగారు. ఇంటర్‌పోల్ ద్వారా కర్ణాటక పోలీసు అధికారులకు ఇచ్చిన సమాచారం ప్రకారం.. జర్మనీలోని మ్యూనిచ్ నగరం నుంచి స్థానిక కాలమానం ప్రకారం గురువారం మధ్యాహ్నం 12.05 గంటలకు (భారత కాలమానం ప్రకారం మధ్యాహ్నం 3.35 గంటలకు) లుఫ్తాన్సా విమానం బయలుదేరింది. ఈ విధంగా దాదాపు 10 గంటలపాటు ప్రయాణించిన తర్వాత విమానం భారత్‌కు చేరుకుంది. తనిఖీలు ముగించుకుని బయటకు రాగానే రేవణ్ణ అరెస్ట్ చేశారు.
కోర్టులో రేవణ్ణ బెయిల్ పిటిషన్ దాఖలు
హాసన్ నుంచి జేడీఎస్ తరుఫున పోటీ చేస్తున్న ప్రజ్వల్ రేవణ్ణ ఈ వారం వీడియో సందేశాన్ని కూడా విడుదల చేశారు. ఇందులో తాను శుక్రవారం అంటే మే 31వ తేదీ ఉదయం 10 గంటలకు సిట్ ముందు హాజరవుతానని చెప్పారు. బుధవారం స్థానిక కోర్టులో ప్రజ్వల్ ముందస్తు బెయిల్ పిటిషన్ దాఖలు చేశారు. విచారణను శుక్రవారం ఉదయానికి కోర్టు వాయిదా వేసింది. ప్రజ్వల్ రేవణ్ణ పిటిషన్ పై ఆయన తల్లి కోర్టుకెళ్లారు. మరి కోర్టు ఆయనకు ఉపశమనం ఇస్తుందో లేదో చూడాలి.
ప్రజ్వల్ రేవణ్ణతో ఇప్పుడు ఏం జరుగుతుంది?
రేవణ్ణను సిట్ ప్రజ్వల్ విచారించి ఎలక్ట్రానిక్ పరికరాలు, పాస్‌పోర్టు, పత్రాలు స్వాధీనం చేసుకోనున్నారు. తనపై వచ్చిన ఆరోపణలపై ప్రజ్వల్‌కు సమాచారం అందించనున్నారు. ఆయన ఎంపీ కావడంతో అరెస్టు విషయాన్ని లోక్‌సభ స్పీకర్‌తో పాటు ఆయన కుటుంబసభ్యులకు కూడా సిట్ తెలియజేయనుంది. హాసన్ ఎంపీకి వైద్య పరీక్షలు నిర్వహించి 24 గంటల్లో కోర్టులో హాజరు పరచనున్నారు. ఈరోజు ఉదయమే ఆయనను కోర్టులో హాజరుపరచనున్నట్లు విశ్వసనీయ సమాచారం.
రేవణ్ణను 14 రోజుల పోలీసు కస్టడీకి తీసుకోవాలని సిట్ యోచిస్తోంది. అయితే, కోర్టు సాధారణంగా 7-10 రోజులు మాత్రమే కస్టడీని మంజూరు చేస్తుంది. సిట్ పోలీసు కస్టడీకి వస్తే రేవణ్ణ వాంగ్మూలం నమోదు చేస్తారు. అతని ఈమెయిల్స్‌పై విచారణ జరిపి నేరానికి ఉపయోగించిన ఫోన్‌ను కూడా స్వాధీనం చేసుకుంటారు. అలాగే డిలీట్ చేసిన వీడియోలను కూడా సిట్ విచారించనుంది. అలాగే, వీడియోలను కలిగి ఉన్న పరికరాలు కూడా జప్తు చేయబడతాయి. లీకైన వీడియోకు సంబంధించి ప్రజ్వల్ రేవణ్ణకు కూడా ప్రశ్నలు, సమాధానాలు ఇవ్వనున్నారు. ఈ నేరంలో ప్రమేయం ఉన్న ఇతర వ్యక్తుల పేర్లను కూడా తెలుసుకునే ప్రయత్నం చేయనున్నారు.
మరిన్ని జాతీయ వార్తల కోసం ఇక్కడ క్లిక్ చేయండి…
