ISRO: ఆదిత్య ఎల్1 మార్గాన్ని సరిదిద్దాం.. ఇస్రో కీలక ప్రకటన
సూర్యుడిపై పరిశోధనలకు ఉద్దేశించిన ‘ఆదిత్య- ఎల్1 ఉపగ్రహం తన లక్ష్యం దిశగా ప్రయాణం చేస్తోంది. అయితే ఇప్పటికే ఆదిత్య ఎల్1 ఉపగ్రహం భూ గురుత్వాకర్షణ పరిధిని దాటేసింది. ఈ క్రమంలోనే వ్యౌమనౌక మార్గాన్ని సరిదిద్దే విన్యాసాన్ని విజయవంతంగా చేపట్టినట్లు భారత అంతరిక్ష పరిశోధన సంస్థ పేర్కొంది. లగ్రాంజ్‌ పాయింట్-1 (L1) దిశగా దూసుకెళ్తున్నటువంటి వ్యౌమనౌకను దాని నిర్దేశిత మార్గంలో ఉంచేందుకు టీసీఎం ఎంతగానో దోహదపడుతుంది.
సూర్యుడిపై పరిశోధనలకు ఉద్దేశించిన ‘ఆదిత్య- ఎల్1 ఉపగ్రహం తన లక్ష్యం దిశగా ప్రయాణం చేస్తోంది. అయితే ఇప్పటికే ఆదిత్య ఎల్1 ఉపగ్రహం భూ గురుత్వాకర్షణ పరిధిని దాటేసింది. ఈ క్రమంలోనే వ్యౌమనౌక మార్గాన్ని సరిదిద్దే విన్యాసాన్ని విజయవంతంగా చేపట్టినట్లు భారత అంతరిక్ష పరిశోధన సంస్థ పేర్కొంది. లగ్రాంజ్‌ పాయింట్-1 (L1) దిశగా దూసుకెళ్తున్నటువంటి వ్యౌమనౌకను దాని నిర్దేశిత మార్గంలో ఉంచేందుకు టీసీఎం ఎంతగానో దోహదపడుతుంది. అయితే అక్టోబరు 6వ తేదీన 16 సెకన్ల పాటు ఈ విన్యాసాన్ని నిర్వహించినట్లు ఇస్రో పేర్కొంది. ఇదిలా ఉండగా.. అంతకుముందు ఇస్రో శాస్త్రవేత్తలు.. సెప్టెంబరు 19న ట్రాన్స్- లగ్రాంజియన్ పాయింట్ 1 ఇన్సర్షన్ విన్యాసాన్ని నిర్వహించి.. ఆదిత్య ఉపగ్రహాన్ని ‘ఎల్ 1’ వద్దకు చేర్చే మార్గంలో ప్రవేశపెట్టారు. ఆ తర్వాత ఈ విన్యాసాన్ని ట్రాక్‌ చేశారు.
అలాగే ఈ ట్రాజెక్టరీని కూడా సరిదిద్దాల్సిన అవసరం ఉందని గుర్తించారు ఇస్రో శాస్త్రవేత్తలు. అయితే ఇందుకోసం తాజా విన్యాసం అవసరమైనట్లు చెప్పారు. ఆదిత్య ఎల్-1లోని వ్యవస్థలన్నీ సక్రమంగా పనిచేస్తున్నాయని.. లగ్రాంజ్‌ పాయింట్-1 దిశగా దూసుకెళ్తోందని పేర్కొన్నారు. అలాగే మరికొన్ని రోజుల్లో మాగ్నెటోమీటర్ మళ్లీ ఆన్ చేస్తామని వెల్లడించారు. చంద్రయాన్‌-3 విజయవంతం అయిన తర్వాత సూర్యుడిపై పరిశోధనలు చేసేందుకు ఇస్రో సెప్టెంబర్‌ 2న ఆదిత్య-ఎల్ 1 ప్రయోగాన్ని చేపట్టింది. అయితే పీఎస్‌ఎల్‌వీ సీ-57 వాహకనౌక ద్వారా ఈ ఉపగ్రహ ప్రయోగాన్ని నిర్వహించింది. అయితే ఇక్కడ మరో విషయం ఏంటంటే సౌర వాతావరణాన్ని లోతుగా పరిశోధన చేయడమే ఈ ఉపగ్రహం లక్ష్యం. భారత్‌ తరఫున సూర్యుడిని అధ్యయనం చేసేందుకు ఇస్రో తొలి మిషన్‌ కూడా ఇదే. అయితే ఇది భూమి నుంచి 15 లక్షల కిలోమీటర్ల దూరంలో ఉన్నటువంటి లగ్రాంజ్‌ పాయింట్-1 చేరాక.. దాని కక్ష్యలో పరిభ్రమిస్తూ సూర్యుడిపై పరిశోధనలు ప్రారంభిస్తుంది .