కూతురు పెళ్లికి రూ.55 కోట్లు ఖర్చు చేసిన ధనవంతుడు!.. ఎనిమిదేళ్లు దాటినా జనాల్లో అదే ముచ్చట..!!

రవి పిళ్లై కుమార్తె ఆర్తి పిళ్లై, వృత్తిరీత్యా వైద్యుడైన ఆదిత్య విషుని నవంబర్ 26, 2015న కేరళలోని కొల్లంలో వివాహం చేసుకుంది. పెళ్లిలో రవి పిళ్లై తన సంపదను ప్రదర్శించారు. కేరళలోని కొల్లంలోని ఆశ్రమం మైదాన్‌లో ఎన్నారై వ్యాపారవేత్త రవిపిళ్లై కుమార్తె డాక్టర్ ఆరతీ వివాహం అట్టహాసంగా జరిగింది. కొచ్చికి చెందిన డాక్టర్ ఆదిత్య విష్ణుతో తన కుమార్తె డాక్టర్ ఆరతి రవి పిళ్లై వివాహానికి రూ.55 కోట్లు ఖర్చు వెచ్చించారు. రవి పిళ్లై 2.8 బిలియన్ డాలర్ల (₹18,200 కోట్లు) సంపదతో అత్యంత సంపన్న కేరళీయులలో ఒకరుగా ఉన్నారు.. వివాహానికి 40 దేశాల నుండి 30,000 మందికి పైగా హాజరయ్యారు. ఇందులో ఖతార్ రాజకుటుంబాలు కూడా ఉన్నాయి.

అసాధారణమైన కమలం-నేపథ్య మండపం అద్భుతమైన వివాహం వేదిక ఏర్పాటు చేశారు. చిత్ర కళా దర్శకుడు సాబు సిరిల్ నేతృత్వంలోని 200 మంది నిపుణుల బృందం పెళ్లి మండపాన్ని నిర్మించింది. వివాహా వేడుకలు నిర్వహించడానికి 8 ఎకరాలలో భారీగా సెట్టింగ్స్ వేశారు. ప్రముఖ టాలీవుడ్ దర్శకుడు రాజమౌళి ప్రతిష్టాత్మకంగా నిర్మించిన బాహుబాలి చిత్రానికి సెట్స్ వేయించినా ప్రముఖ కళా దర్శకుడు సాబు సిరిల్ తో రూ. 20 కోట్లు ఖర్చు పెట్టించి సెట్టింగ్స్ వేయించారు. మోహన్‌లాల్, మమ్ముట్టి వంటి ప్రముఖ సినీ నటులు ఈ వేడుకకు హాజరయ్యి మరింత ఆకర్షణీయంగా నిలిచారు. శాంసంగ్ మరియు జపాన్ గ్యాస్ కార్పొరేషన్ వంటి ప్రసిద్ధ CEO లు కూడా కనిపించారు. వివాహ విందులో సంప్రదాయ సధ్య, పదిరకాల పాయసాలు. ప్రపంచవ్యాప్తంగా ఉన్న VVIPల కోసం వివిధ రకాల వంటకాలు సిద్ధం చేశారు. ఈ వివాహ వేడుకలలో బహుబాష నటి శోభన, మళయాల చిత్ర హీరోయిన్ మంజు వారియర్ తో డ్యాన్స్ ప్రోగ్రామ్స్, స్టీఫెన్ దేవన్ ఆధ్వర్యంలో మ్యూజికల్ షో ఏర్పాటు చేశారు.