Facebook India: భారత్‏లో ఫేస్‏బుక్ లాభం రెట్టింపు.. గత సంవత్సరం కంటే 43 శాతం వృద్ధి..

ప్రముఖ సోషల్ మీడియా దిగ్గజం ఫేస్‏బుక్ ఇండియా కంపెనీ ఆదాయం ఇండియాలో భారీగా పెరిగింది. గత ఆర్థిక సంవత్సరం (2019-20)లో రూ.1.277 కోట్ల ఆదాయాన్ని ఆర్జించింది. కాగా అంతకు ముందు ఆర్థిక సంవత్సరం (2018-19)లో సంపాదించిన ఆదాయం రూ.893కోట్లతో పోల్చితే 43 శాతం రెట్టింపు సాధించామని ఫేస్‏బుక్ ఇండియా తెలిపింది. అటు నికర లాభం రూ.65 కోట్ల నుంచి రెట్టింపైన (107 శాతం వృద్ధితో) రూ.136 కోట్లకు పెరిగిందని పేర్కొంది. భారత కార్యకలాపాల కోసం ఇన్వెస్ట్‏మెంట్స్ కొనసాగిస్తామని ఫేస్‏బుక్ తెలిపింది. చిన్న, పెద్ద వ్యాపారాలు ఆర్థిక రికవరీ సాధించడంలో ఇతోధికంగా తోడ్పాటునందిస్తామని పేర్కొంది. అంతేకాకుండా ప్రపంచవ్యాప్తంగా ఫేస్‏బుక్, ఇన్ స్ట్రాగామ్, వాట్సాప్‏లను 250 కోట్లమంది ఉపయోగిస్తున్నారు. కోటి మంది యాక్టివ్ అడ్వైర్టైజర్లు ఉన్నారు.