Pet Dog: అతని ఇంటి ముందు ఇతడి పెంపుడు కుక్క మల విసర్జన.. గొడవ చినికి, చినికి.. ఓ ప్రాణం
ఇవి అస్సలు తెగని పంచాయితీలు. రెగ్యూలర్గా మన కాలనీల్లో కూడా ఇలాంటి గొడవలు చూస్తూనే ఉంటాం. ఎవరో ఒకరు తగ్గితే సరిపోతుంది. అలా కాకుంటేనే ఇలాంటి విపరీత పరిస్థితులు వస్తాయి.
చిన్న గొడవ చినికి చినికి గాలివనలా మారింది..అది కాస్త గొడవగా మారి..ఆపై అది ఏకంగా హత్యకు దారితీసింది..నిజమే..కుక్క కోసం ఇద్దరి మధ్య జరిగిన గొడవ హత్య వరకూ వెళ్లింది..బెంగళూరులో జరిగిన ఈ ఘటన ఇప్పుడు సంచలనంగా మారింది..స్తానికంగా తీవ్ర చర్చకు దారితీసింది..
కర్నాటక రాజధాని బెంగళూరులో సోలదేవనహళ్లి పోలీస్స్టేషన్ పరిధిలోని గణపతి నగర్లో నివాసముంటున్న ప్రమోద్ ప్రతి రోజూ తన పెంపుడు కుక్కను బయటకు తీసుకెళ్లేవాడు. పొరుగున ఉంటే మునిరాజు ఇంటి ముందు ఆ కుక్క మల విసర్జన చేసేది. ప్రమోద్ కూడా అక్కడే నిల్చొని సిగరెట్ తాగేవాడు. దీనిపై వారిద్దరి మధ్య తరచుగా వాగ్వాదం జరుగుతున్నది.
ఇలాగే ఈ నెల 8న ప్రమోద్ యథావిధిగా మునిరాజు ఇంటి ముందు కుక్కతో మల విసర్జన చేయించాడు. దీంతో మునిరాజు దీనిపై ఆగ్రహం వ్యక్తం చేయగా ఆ రెండు కుటుంబాల మధ్య ఘర్షణ జరిగింది. ఈ నేపథ్యంలో ప్రమోద్ తన స్నేహితుడితో కలిసి క్రికెట్ బ్యాట్తో మునిరాజ్ను కొట్టాడు. ఆ దెబ్బలు తాళలేని ఆ వృద్ధుడు చనిపోయాడు. ఇక సమాచారం అందుకున్న పోలీసులు కేసు నమోదు చేశారు. ప్రమోద్తోపాటు మరో ఇద్దరిని అరెస్ట్ చేశారు..కుక్కు కోసం జరిగిన గొడవ ఇలా హత్యకు దారితీయడం హాట్ టాఫిక్గా మారింది.
మరిన్ని జాతీయ వార్తల కోసం