చిన్నారిని కాటేసిన పాము..ఆస్పత్రికి కాకుండా తాంత్రికుడి వద్దకు తీసుకెళ్లిన బామ్మ.. చివరికి
రోజురోజుకు సాంకేతికత అభివృద్ధి చెందుతున్నప్పటికీ మూఢనమ్మకాలను మాత్రం కొందరు ఇంకా వదలడం లేదు. తన మనవడిని పాము కాటు వేయడంతో డాక్టర్ దగ్గరికి కాకుండా ఓ తాంత్రికుడి దగ్గరకు తీసుకెళ్లింది. ఓ బామ్మ. వివరాల్లోకి వెళ్తే పశ్చిమ బెంగాల్‌లోని హుగ్లీ జిల్లాలో ఓ కుటుంబం ఉంటోంది. ఆ తల్లిదండ్రులకు నాలుగేళ్ల వయసున్న సుర్జిత్ బౌల్ దాస్ అనే కొడుకు ఉన్నాడు.
Updated on: May 05, 2023 | 3:26 PM
రోజురోజుకు సాంకేతికత అభివృద్ధి చెందుతున్నప్పటికీ మూఢనమ్మకాలను మాత్రం కొందరు ఇంకా వదలడం లేదు. తన మనవడిని పాము కాటు వేయడంతో డాక్టర్ దగ్గరికి కాకుండా ఓ తాంత్రికుడి దగ్గరకు తీసుకెళ్లింది. ఓ బామ్మ. వివరాల్లోకి వెళ్తే పశ్చిమ బెంగాల్‌లోని హుగ్లీ జిల్లాలో ఓ కుటుంబం ఉంటోంది. ఆ తల్లిదండ్రులకు నాలుగేళ్ల వయసున్న సుర్జిత్ బౌల్ దాస్ అనే కొడుకు ఉన్నాడు. అయితే ఆ తల్లిదండ్రులు ఆ బాబుని వాళ్ల బామ్మ దగ్గర వదిలి బయటకు వెళ్లారు. సుర్జిత్ తన స్నేహితులతో కలిసి ఇంటికి ఎదురుగా ఉన్న ఖాళీ స్థలంలో ఆడుకుంటున్నాడు. ఇదే సమయంలో అక్కడ ఉన్న ఓ పాము పుట్టలో చేయి పెట్టాడు సుర్జిత్ .
ఆ పుట్టలో ఉన్న పాము ఆ బాబును కాటేసింది. దీంతో ఆ బాలుడు అక్కడే స్పృహ తప్పి పడిపోయాడు. అతని స్నేహితులు ఈ విషయాన్ని తన బామ్మకు చెప్పారు. కానీ ఆ బామ్మ వైద్యుడ్ని సంప్రదించకుండా ఆ బాబుని తీసుకొని ఊరిలో ఉన్న ఓ తాంత్రికుడ్ని వెతుక్కుంటూ వెళ్లింది. ఈ సమాచారం ఆ బాబు తల్లిదండ్రులకు తెలియడంతో హుటాహుటిన వచ్చి కొన ఊపిరితో ఉన్న బాబును ఆస్పత్రికి తరలించారు. కానీ ఆ బాబు అప్పటికే మృతి చెందినట్లు వైద్యులు తెలిపారు. ఎంతో ప్రేమగా పెంచుకున్న కొడుకు పాముకాటుకు బలవ్వడంతో తల్లిదండ్రులు కన్నీరుమున్నీరవుతున్నారు.
మరిన్ని జాతీయ వార్తల కోసం ఈ లింక్ క్లిక్ చేయండి..
