పురుషుల కంటే స్త్రీలకు ఎక్కువ నిద్ర ఎందుకు అవసరమో తెలుసా..? కారణాలు తెలిస్తే..
Women Sleep Needs: పురుషుల కంటే స్త్రీలకు కొద్దిగా ఎక్కువ నిద్ర అవసరమని అనేక శాస్త్రీయ అధ్యయనాలు సూచిస్తున్నాయి. సాధారణంగా ఆరోగ్యవంతుడైన పెద్దవారు రోజుకు 7–8 గంటల నిద్రపోవాలి. అయితే స్త్రీల జీవనశైలి, శారీరక, హార్మోన్ల మార్పుల కారణంగా వారికి కొద్దిగా ఎక్కువ విశ్రాంతి అవసరం అవుతుంది. స్త్రీలకు నిద్ర ఎక్కువ ఎందుకు అవసరమో ఇప్పుడు తెలుసుకుందాం.
మానవ జీవితం ఆనందంగా, ఆరోగ్యంగా ఉండాలంటే ఎవరికైనా తగిన నిద్ర చాలా అవసరం. అయితే, పురుషుల కంటే స్త్రీలకు కొద్దిగా ఎక్కువ నిద్ర అవసరమని అనేక శాస్త్రీయ అధ్యయనాలు సూచిస్తున్నాయి. సాధారణంగా ఆరోగ్యవంతుడైన పెద్దవారు రోజుకు 7–8 గంటల నిద్రపోవాలి. అయితే స్త్రీల జీవనశైలి, శారీరక, హార్మోన్ల మార్పుల కారణంగా వారికి కొద్దిగా ఎక్కువ విశ్రాంతి అవసరం అవుతుంది. మహిళలు ఇంటి పని, కార్యాలయ బాధ్యతలు, పిల్లల సంరక్షణ వంటి అనేక పనులను ఒకేసారి నిర్వహిస్తారు. ఈ బహుళ పనులు మెదడుపై ఎక్కువ ఒత్తిడిని కలిగిస్తాయి.
రోజంతా అధికంగా పనిచేసిన మెదడుకు పునరుత్తేజం పొందడానికి స్త్రీలకు తగిన నిద్ర అవసరం. అందువల్ల స్త్రీలు పురుషుల కంటే సుమారు 15–20 నిమిషాలు ఎక్కువగా నిద్రపోవడం ఆరోగ్యానికి ఉపయోగకరమని కొన్ని పరిశోధనలు చెబుతున్నాయి.
సరైన నిద్ర లేకపోతే..
అంతేగాక, స్త్రీలు ఋతుస్రావం, గర్భధారణ, రుతువిరతి వంటి దశల్లో హార్మోన్ల మార్పులను అనుభవిస్తారు. ఈ మార్పులు శారీరక అలసట, భావోద్వేగ మార్పులు, నిద్రలో అంతరాయాలను కలిగించవచ్చు. సరైన నిద్ర లేకపోతే మానసిక ఒత్తిడి, ఆందోళన, నిరాశ వంటి సమస్యలు స్త్రీల్లో త్వరగా కనిపించవచ్చని అధ్యయనాలు సూచిస్తున్నాయి.
మంచి నిద్రతో ఎన్ని లాభాలో..
మంచి నిద్ర శరీర రోగనిరోధక శక్తిని పెంచుతుంది, చర్మ ఆరోగ్యాన్ని కాపాడుతుంది. మానసిక ప్రశాంతతను ఇస్తుంది. నిద్రాభావం వల్ల చిరాకు, అలసట, దృష్టి లోపం వంటి సమస్యలు తలెత్తవచ్చు.
గుర్తుంచుకోవాల్సిన విషయం..
కాబట్టి ఉద్యోగం చేసే మహిళైనా, గృహిణైనా – తగిన నిద్రకు ప్రాధాన్యం ఇవ్వాలి. కొంచెం ఎక్కువ నిద్ర అవసరం కావడం బలహీనత కాదు.. అది శరీర అవసరం. ఆరోగ్యాన్ని కాపాడుకోవాలంటే సరైన విశ్రాంతి అత్యవసరం అనే విషయాన్ని గుర్తుంచుకోవాలని ఆరోగ్య నిపుణులు సూచిస్తున్నారు.