బాత్రూమ్లు, కమోడ్లలోకి పాములు ఎందుకు వస్తాయి..? 100% ఇది ఎవ్వరికీ తెలీదు..
వర్షాకాలంలో బాత్రూమ్లు, కమోడ్లలో పాములు కనిపించడం భయపెడుతుంది. అసలు పాములు టాయిలెట్లలోకి ఎందుకు వస్తాయి? డ్రైనేజీ మార్గాల ద్వారా ఎలా చేరుతాయి? వాటిని నివారించేందుకు తీసుకోవాల్సిన జాగ్రత్తలు, పాము కనిపిస్తే ఏం చేయాలి..? ఎలా స్పందించాలి.. అనే వివరాలను ఈ కథనంలో తెలుసుకోండి.
ఇళ్లలోని బాత్రూమ్లు, కమోడ్లు లేదా టాయిలెట్లలో పాములు కనిపించడం తరచుగా వింటూంటాం.. ముఖ్యంగా వర్షాకాలం, వేసవి కాలంలో ఈ సమస్య మరింత ఎక్కువగా ఉంటుంది. తెలుగు రాష్ట్రాల్లో వర్షాలు జోరుగా కురుస్తున్న వేళ ఇళ్లలోకి, ముఖ్యంగా బాత్రూమ్లు, టాయిలెట్ కమోడ్లలోకి పాములు వచ్చే ప్రమాదం ఉంది.. తలుపులన్నీ మూసి ఉన్నప్పటికీ, అకస్మాత్తుగా టాయిలెట్లో పాము కనిపించగానే తీవ్ర భయాందోళనకు గురికావడం సహజం. అసలు పాములు బాత్రూమ్లలోకి ఎలా వస్తాయి? వాటిని ఎలా అరికట్టాలి? ఒకవేళ ఎదురైతే ఎలాంటి జాగ్రత్తలు తీసుకోవాలో ఈ కథనంలో వివరంగా తెలుసుకుందాం..
అసలు పాములు బాత్రూంలోకి ఎందుకు వస్తాయి..?
బాత్రూమ్ మురికిగా ఉండటం మాత్రమే కాకుండా, పాముల సహజ ప్రవర్తన వల్ల ఇవి లోపలికి వస్తుంటాయి:
తేమ – చల్లదనం: పాములు ‘శీతల రక్తపు (Cold-blooded)’ జీవులు. బయట వేడి, ఉక్కపోత లేదా తీవ్రమైన వర్షాలు ఉన్నప్పుడు ఇవి చల్లగా, తేమగా ఉండే నిశ్శబ్ద ప్రదేశాల కోసం వెతుక్కుంటూ భూగర్భ డ్రైనేజీ పైపుల్లోకి చేరుతాయి.
ఆహార వేట (ఎలుకలు, కప్పలు): డ్రైనేజీ పైపులలో సంచరించే ఎలుకలు, కప్పలు, బొద్దింకలను వేటాడే క్రమంలో పాములు ఆ పైపుల గుండా ప్రయాణించి, నేరుగా కమోడ్లు లేదా వాష్బేసిన్ల ద్వారా బయటకు వస్తాయి.
కమోడ్ U-ట్రాప్ దాటడం: కమోడ్ కింద ఉండే ‘U-ట్రాప్’ బెండ్ పైపులో నీరు ఉన్నప్పటికీ, పాములు నీటి అడుగున కూడా ఈత కొట్టగలవు. కొన్ని నిమిషాల పాటు శ్వాస తీసుకోకుండా నీటి అడ్డంకిని దాటుకుని కమోడ్ బౌల్లోకి పైకి తేలతాయి.
పాములు రాకుండా పాటించాల్సిన నివారణ చర్యలు:
- డ్రైనేజీ జాలీలు (Mesh): బాత్రూమ్ నేలపై ఉండే నీటి రంధ్రాలకు, డ్రైన్ అవుట్లెట్లకు తప్పనిసరిగా స్టెయిన్లెస్ స్టీల్ మెష్ లేదా బలమైన జాలీలను అమర్చాలి.
- నాన్-రిటర్న్ వాల్వ్ (NRV): టాయిలెట్ డ్రైనేజీ పైపులకు ‘నాన్-రిటర్న్ వాల్వ్’ అమర్చడం ద్వారా బయటి నుంచి పాములు, ఎలుకలు లోపలికి రాకుండా సమర్థవంతంగా అడ్డుకోవచ్చు.
- పగుళ్లు మూసివేయడం: బాత్రూమ్ గోడల గుండా వెళ్లే పైపుల చుట్టూ ఉండే సందులు, బేసిన్ కింద ఉండే పగుళ్లను సిమెంట్ లేదా సిలికాన్ సీలెంట్తో పూర్తిగా పూడ్చివేయాలి.
- కమోడ్ మూత (Lid) మూసివేత: వాడనప్పుడు వెస్ట్రన్ టాయిలెట్ మూతను ఎప్పుడూ మూసి ఉంచే అలవాటు చేసుకోవాలి (ముఖ్యంగా రాత్రి వేళల్లో).
- పరిసరాల పరిశుభ్రత: ఇంటి చుట్టూ ఉన్న పొదలు, చెత్తాచెదారం, రాళ్ల కుప్పలను తొలగిస్తే పాములు ఆశ్రయం పొందకుండా నిరోధించవచ్చు.
ఒకవేళ బాత్రూమ్లో పాము కనిపిస్తే ఏం చేయాలి?
కంగారు పడకండి: భయంతో అరవడం లేదా పరుగులు తీయడం చేయకూడదు. మీ అరుపులకు భయపడి అది ఆత్మరక్షణ కోసం దాడి చేయడానికి లేదా ఏదైనా మూలన దాక్కోవడానికి యత్నిస్తుంది.
తలుపు మూసివేయండి: ప్రశాంతంగా బాత్రూమ్ నుంచి బయటకు వచ్చి వెంటనే తలుపు మూసేయండి.
కింది ఖాళీని అడ్డుకోండి: తలుపు కింద ఉన్న సన్నని సందు నుంచి పాము బయటకు రాకుండా ఒక తడి గుడ్డ లేదా మందపాటి తువ్వాలును అడ్డుగా పెట్టండి.
సొంత ప్రయోగాలు వద్దు: పామును కర్రలతో కొట్టడం, ఫినాయిల్ లేదా కిరోసిన్ పోసి బెదిరించే ప్రయత్నాలు అస్సలు చేయవద్దు.
వెంటనే స్నేక్ క్యాచర్లు (Snake Rescuers) లేదా అటవీ శాఖ సిబ్బందికి సమాచారం అందిస్తే, వారు వచ్చి దానిని సురక్షితంగా పట్టుకుంటారు.
మరిన్ని లైఫ్స్టైల్ వార్తల కోసం ఇక్కడ క్లిక్ చేయండి..