Monsoon Travel: వానాకాలంలో టూర్ ప్లాన్ చేస్తున్నారా? ఈ ప్రాంతాలకు వెళ్తే ప్రాణాలు గల్లంతే!
రుతుపవనాలు ఉత్తర భారతదేశాన్ని పలకరిస్తున్నాయి. కొన్ని ప్రాంతాలు వర్షాలతో పచ్చగా కళకళలాడుతున్నా, భారీ వర్షాలు తీవ్ర నష్టాన్ని కలిగించే అవకాశం ఉంది. ప్రాణ, ఆస్తి నష్టాలకు దారితీసే ప్రమాదాలు పొంచి ఉన్నందున, వానాకాలంలో కొన్ని ప్రాంతాలకు ప్రయాణించడం సురక్షితం కాదని నిపుణులు హెచ్చరిస్తున్నారు. ప్రయాణాలకు ముందు వాతావరణ శాఖ (IMD) సూచనలు తప్పక పాటించాలని సలహా ఇస్తున్నారు.
రుతుపవనాల ఆగమనంతో ప్రకృతి పచ్చదనం సంతరించుకుంది. పర్వతాలు, లోయలు, జలపాతాలు సరికొత్త అందాలు అద్దుకుంటున్నాయి. వాన చినుకుల సవ్వడులు మనసును ఆహ్లాదపరుస్తాయి. అయితే, ఈ అందాల వెనుక కొన్ని ప్రమాదాలు పొంచి ఉంటాయి. భారీ వర్షాలు, కొండచరియలు విరిగిపడటం, రోడ్లు మూసుకుపోవడం వంటివి ప్రయాణాలను ఇబ్బందికరంగా మారుస్తాయి. కొన్ని ప్రదేశాలకు వెళ్లడం ఈ వానాకాలంలో అంత సురక్షితం కాదు. మరి, ఈ రుతుపవనాల్లో మీరు తప్పక నివారించాల్సిన ప్రదేశాలు ఏవి? ఎందుకు వెళ్లకూడదు? పూర్తి వివరాలు చూద్దాం.
తప్పక నివారించాల్సిన ప్రదేశాలు:
పర్వత ప్రాంతాలు, ట్రెకింగ్ మార్గాలు: వానాకాలంలో కొండచరియలు విరిగిపడటం, దారులు జారడం వంటివి సర్వసాధారణం. ఉదాహరణకు, ఉత్తరాఖండ్లోని రూపకుండ్, పిండారి గ్లేసియర్, కేదార్కాంత జూలై-ఆగస్టు నెలల్లో మూసివేస్తారు. ఈ ప్రాంతాలకు వెళ్లడం ప్రమాదకరం.
జోజిలా పాస్, రోహ్తంగ్ పాస్: లడఖ్ వెళ్లే దారిలో ఈ పాస్లు ఉన్నాయి. జూలైలో భారీ వర్షాల వల్ల బురద కొట్టుకువచ్చి దారులు మూసుకుపోతాయి.
పశ్చిమ బెంగాల్లోని సుందర్బన్స్: వానాకాలంలో ఈ ప్రాంతం బురదమయంగా మారి, దోమల బెడద ఎక్కువ అవుతుంది. బోట్ సఫారీలకు అంతరాయం కలుగుతుంది.
జార్ఖండ్, ఛత్తీస్గఢ్లోని జలపాతాలు: వర్షాకాలంలో జలపాతాలు ఉధృతంగా ప్రవహిస్తాయి. నదులు, వాగులలో ప్రవాహం పెరుగుతుంది, ఇది ప్రమాదకరంగా మారుతుంది.
గోవా: జల క్రీడలకు ప్రసిద్ధి చెందిన గోవాలో జూలైలో భారీ వర్షాలు కురుస్తాయి. బీచ్లలో ఈత కొట్టడం, వాటర్ స్పోర్ట్స్ ఆడటంపై ఆంక్షలు విధిస్తారు. చాలా షాక్లు, క్లబ్లు మూసి ఉంటాయి. వానాకాలంలో ప్రయాణాలు చేసేవారు తగిన జాగ్రత్తలు తీసుకోవాలని, సురక్షితంగా ఉండాలని అధికార