ఏంటీ ఎప్పుడూ జుట్టు అతిగా రాలిపోతుందా.. ఈ సింపుల్ టిప్స్ మీకోసమే!
ఈ మధ్యకాలంలో చాలా మంది జుట్టు సమస్యలతో బాధపడుతున్నారు. చాలా మంది తమ జుట్టు అందంగా, సహజ మెరుపుతో ఉండాలని కోరుకుంటారు. కానీ మారుతున్న లైఫ్ స్టైల్, వర్క్ ప్రెషర్, అనారోగ్య సమస్యల కారణంగా చాలా మంది జుట్టు రాలే సమస్యతో బాధపడుతున్నారు. కాగా, ఇప్పుడు మనం జుట్టు రాలే సమస్య నుంచి బయటపడాలి అంటే ఏం చేయాలో చూద్దాం.
మీ జుట్టు అందంగా ఉండటమే కాకుండా, జుట్టు రాలే సమస్య తగ్గాలి అంటే, ఎప్పుడూ కూడా జుట్టును శుభ్రంగా ఉంచుకోవాలి. చెమట, డస్ట్ వలన జుట్టు త్వరగా పాడు అవుతుంది. అందుకే మీరు ఎక్కువగా బయట తిరిగినప్పుడు, లేదా జుట్టు తడిచిన సమయంలో త్వరగా దానిని శభ్ర పరుచుకోవాలి. లేకపోతే ఫంగల్ ఇన్ఫెక్షన్స్ వస్తాయంట.
చాలా మంది తలస్నానం చేసిన తర్వాత జుట్టును సరిగ్గా ఆరబెట్టరు.జుట్టు ఆరబెట్టకపోవడం అనేది చాలా ప్రమాదకరం. జుట్టును ఆరబెట్టకపోతే జుట్టు నుంచి వాసన రావడం, వంటి అనేక సమస్యలు ఎదురు అవుతాయి. ఇది జుట్టు రాలడానికి కారణం అవుతుంది.
ఉల్లిపాయ రసం జుట్టుకు చాలా మంచిది. కనీసం వారంలో ఒక్కసారి అయినా సరే జుట్టుకు ఉల్లిపాయ రసం పెట్టడం వలన ఇది కొల్లాజెన్ ఉత్పత్తిని పెంచి, జుట్టు పెరుగుదలకు సహాయపడుతుంది. అందుకే అతిగా జుట్టు రాలే సమస్యతో బాధపడే వారు తప్పకుండా జుట్టుకు ఉల్లిపాయ రసం పెట్టి 20 నిమిషాలు ఉండనివ్వాలి.
ఉసిరి జుట్టు మూలాలను బలపరుస్తుంది. జుట్టు రాలడాన్ని తగ్గిస్తుంది. తలలో రక్త ప్రసరణను మెరుగుపరుస్తుంది. అందువల్ల జుట్టుకు ఉసిరితో తయారు చేసిన హెయిర్ మాస్క్లు వినియోగించవచ్చు.
జుట్టు పెరుగుదలకు టీ పొడిని ఎలా ఉపయోగించాలో ఇక్కడ తెలుసుకుందాం.. ముందుగా టీ తయారు చేసిన తర్వాత డికాషన్ వడకట్టాలి. ఆ తర్వాత మిగిలిపోయిన టీ ఆకులను వేడినీటిలో వేయాలి. తరువాత కొంచెంగా చల్లబరచాలి.