Mosquitoes: ఇంట్లో దోమలు విసిగిస్తున్నాయా? ఇలా సహజ పద్ధతుల్లో చిటికెలో తరిమేయండి..
దోమల బెడద ప్రతి ఇంట్లో ఉంటుంది. దోమలు ఆరోగ్యంపై తీవ్ర ప్రభావం చూపుతాయి. ప్రశాంతమైన రాత్రి నిద్రను నాశనం చేసే ఈ దోమలను వదిలించుకోవడానికి మార్కెట్లో లభించే దోమల నివారణ మందులు వాడడం కంటే.. ఇంట్లో తయారు చేసుకోగల కొన్ని దోమల నివారణలు ఇక్కడ సూచిస్తున్నారు నిపుణులు..
వేసవి మొదలైంది. దోమల బెడద క్రమంగా పెరుగుతుంది. దోమలు ఆరోగ్యంపై తీవ్ర ప్రభావం చూపుతాయి. మీ ప్రశాంతమైన రాత్రి నిద్రను నాశనం చేసే ఈ దోమలను వదిలించుకోవడానికి మార్కెట్లో లభించే దోమల నివారణ మందులు వాడక పోవడమే మంచిది. వీటి వల్ల దోమల బెడద తగ్గినా ఆరోగ్యంపై ప్రభావాన్ని చూపుతాయి. వాటిలో ఉండే రసాయనాలు ఆరోగ్యానికి, ముఖ్యంగా చిన్న పిల్లలకు హానికరం. మీరు ఇంట్లో తయారు చేసుకోగల కొన్ని దోమల నివారణలు ఇక్కడ సూచిస్తున్నారు నిపుణులు. దోమల సమస్యను సహజమైన పద్ధతుల్లో నివారించడానికి ఈ సురక్షితమైన నివారణలు మరింత ప్రభావవంతంగా పని చేస్తాయి.
అవసరమైన పదార్థాలు
- ఎండిన వేప, తేజ ఆకులు
- కర్పూరం
- ఒక దీపం
ఎలా ఉపయోగించాలంటే..
ఒక దీపం తీసుకుని అందులో ఎండిన వేప ఆకులు, తేజ ఆకులు, కొంచెం కర్పూరం వేయాలి. కర్పూరం తేలికగా మండుతుంది కాబట్టి దానిని వెలిగించాలి. పొగ కనిపించడం ప్రారంభించిన వెంటనే దీపాన్ని దోమలు ఎక్కువగా ఉన్న ప్రాంతంలో ఉంచాలి. దీని నుంచి వెలువడే సహజ సువాసనను దోమలు ఇష్టపడవు. కాబట్టి అవి వెంటనే ఇంటి నుండి దూరంగా పారిపోతాయ్.
మరికొన్ని చిట్కాలు..
- వెల్లుల్లి వాసనను కూడా దోమలు ఇష్టపడవు. వెల్లుల్లి రసాన్ని నీటిలో కలిపి పిచికారీ చేయడం వల్ల దోమల బెడద ఇట్టే తొలగిపోతుంది.
- నిమ్మకాయ – లవంగాలు: నిమ్మకాయ ముక్కలుగా కట్ చేసి, లవంగాలను వాటిపై అమర్చి గదిలో ఉంచాలి. ఈ వాసన దోమలను పారిపోయేలా చేస్తుంది.
- వెనిగర్: నీరు, వెనిగర్ కలిపి గదిలో స్ప్రే చేయడం వల్ల దోమల సంఖ్య తగ్గుతుంది.
- సువాసనగల మొక్కలు: సిట్రోనెల్లా, తులసి వంటి మొక్కలు దోమలను దూరంగా ఉంచుతాయి. కాబట్టి అలాంటి మొక్కలను ఇంట్లో ఉంచడం వల్ల దోమల బెడదను తగ్గించవచ్చు.
మరిన్ని ఆరోగ్య వార్తల కోసం క్లిక్ చేయండి.