పీనట్ బట్టర్ ఆరోగ్య లాభాలు.. ఇంట్లోనే సులభంగా క్రీమీ పీనట్ బట్టర్ తయారు చేయడం ఎలా?
ప్రస్తుత ఆధునిక జీవనశైలిలో ఆరోగ్యకరమైన అల్పాహారం వైపు ప్రజల మొగ్గు ఎక్కువగా ఉంటోంది. అందులో పీనట్ బట్టర్ ప్రముఖ స్థానం సంపాదించుకుంది. జిమ్ చేసేవారు, ఫిట్‌నెస్ ప్రియులు మాత్రమే కాకుండా పిల్లలు కూడా దీన్ని చాలా ఇష్టంగా తింటారు. వేరుశెనగలతో తయారయ్యే ఈ వెన్నలో శరీరానికి కావాల్సిన పోషకాలు మెండుగా ఉంటాయి. పీనట్ బట్టర్ వల్ల కలిగే ఆరోగ్య ప్రయోజనాలు ఏంటి? దీన్ని ఇంట్లోనే ఎలా తయారు చేసుకోవాలో ఇప్పుడు చూద్దాం.
పీనట్ బట్టర్ ఆరోగ్యానికి ఎంతో ప్రయోజనకరమైనది. ఇందులో ప్రొటీన్లు, ఆరోగ్యకరమైన కొవ్వులు, విటమిన్లు, ఖనిజాలు పుష్కలంగా ఉంటాయి. ఇది శరీరానికి శక్తిని అందించడంతో పాటు గుండె ఆరోగ్యాన్ని మెరుగుపరుస్తుంది. బరువు నియంత్రణలో సహాయపడుతుంది. అయితే మార్కెట్లో లభించే పీనట్ బట్టర్‌లో కృత్రిమ తీపి పదార్థాలు, ప్రిజర్వేటివ్స్ ఉండవచ్చు. అందుకే ఇంట్లోనే సులభంగా క్రీమీ పీనట్ బట్టర్ తయారు చేసుకోవడం చాలా ఉత్తమం. ప్రతిరోజూ దీన్ని మితంగా తీసుకోవడం వల్ల ఎన్నో ఆరోగ్య లాభాలు పొందవచ్చు.
పీనట్ బట్టర్ వల్ల కలిగే ఆరోగ్య లాభాలు:
ప్రొటీన్ల గని: వేరుశెనగలో ప్లాంట్-బేస్డ్ ప్రొటీన్లు సమృద్ధిగా ఉంటాయి. ఇవి కండరాల నిర్మాణానికి, శరీర శక్తికి ఎంతగానో తోడ్పడతాయి.
బరువు నియంత్రణ: పీనట్ బట్టర్ తినడం వల్ల కడుపు నిండిన భావన కలుగుతుంది. ఇది పదే పదే ఆహారం తినాలనే కోరికను తగ్గించి, బరువు అదుపులో ఉండేలా సహాయపడుతుంది.
గుండె ఆరోగ్యం: ఇందులో ఉండే మోనోఅన్సాచురేటెడ్ ఫ్యాట్స్ చెడు కొలెస్ట్రాల్‌ను తగ్గించి, గుండెను ఆరోగ్యంగా ఉంచుతాయి.
శక్తినిస్తుంది: రోజూ ఉదయం బ్రేక్‌ఫాస్ట్‌లో పీనట్ బట్టర్ తీసుకోవడం ద్వారా శరీరానికి రోజంతా సరిపడా శక్తి లభిస్తుంది.
ఇంట్లోనే క్రీమీ హోంమేడ్ పీనట్ బట్టర్ తయారీ విధానం:
మార్కెట్లో లభించే పీనట్ బట్టర్‌లో పంచదార, రసాయనాలు ఉండే అవకాశం ఉంది. అందుకే ఇంట్లోనే స్వచ్ఛమైన పీనట్ బట్టర్ తయారు చేసుకోవడం చాలా సులభం.
కావలసిన పదార్థాలు: రెండు కప్పుల పచ్చి వేరుశెనగలు, రుచికి సరిపడా కొద్దిగా ఉప్పు లేదా తేనె (ఆప్షనల్), ఒక స్పూన్ వేరుశెనగ నూనె (అవసరమైతే).
తయారీ విధానం:
ముందుగా స్టవ్ మీద బాణలి పెట్టి వేరుశెనగలను దోరగా, సువాసన వచ్చే వరకు వేయించాలి.
వేయించిన వేరుశెనగలు పూర్తిగా చల్లారిన తర్వాత వాటి పొట్టును సులభంగా తొలగించవచ్చు.
ఇప్పుడు ఆ పప్పులను మిక్సీ జార్‌లో వేసి మెత్తగా గ్రైండ్ చేయాలి.
మిక్సీ పడుతున్నప్పుడు వేరుశెనగలోని సహజ నూనెలు బయటకు వచ్చి పేస్ట్ రూపంలో మారుతుంది.
ఇది మరింత క్రీమీ టెక్చర్ రావడానికి కొద్దిగా ఆయిల్, చిటికెడు ఉప్పు లేదా తేనె కలుపుకోవచ్చు.
అంతే! ఎంతో రుచికరమైన, ఆరోగ్యకరమైన హోంమేడ్ క్రీమీ పీనట్ బట్టర్ సిద్ధం. దీన్ని గాజు సీసాలో నిల్వ చేసుకుని వాడుకోవచ్చు.
మరిన్ని లైఫ్ స్టైల్ న్యూస్ కోసం క్లిక్ చేయండి..