Ragi Payasam Recipe: స్వీట్ తినాలనిపిస్తోందా?.. రాగి, బెల్లంతో ఈ టేస్టీ పాయసం చేసేయండి!

పాలు, బెల్లం, నెయ్యి, డ్రైఫ్రూట్స్‌తో కలిపి తయారు చేస్తే రాగి పాయసం ఎంతో రుచిగా ఉంటుంది. ఇంట్లో పెద్దలు, పిల్లలు కూడా ఇష్టపడేలా ఉండే ఈ స్వీట్‌ను పండుగలు, శుభకార్యాల సమయంలోనే కాదు.. స్వీట్ తినాలనిపించినప్పుడల్లా సులభంగా చేసుకోవచ్చు. మరి ఈ రుచికరమైన రాగి పాయసం ఎలా తయారు చేయాలో ఇప్పుడు చూద్దాం.

కావలసిన పదార్థాలు

రాగి పిండి – ½ కప్పు

బెల్లం – ¾ కప్పు

పాలు – 2 కప్పులు

నీరు – 1 కప్పు

నెయ్యి – 1 టేబుల్‌స్పూన్

జీడిపప్పు – 8

ఎండు ద్రాక్ష – 1 టేబుల్‌స్పూన్

ఏలకుల పొడి – ½ టీస్పూన్

తయారీ విధానం

ముందుగా ఒక గిన్నెలో రాగి పిండిని కొద్దిగా నీటితో ఉండలు లేకుండా కలుపుకోవాలి. మరోవైపు బెల్లాన్ని కొద్దిగా నీటిలో కరిగించి వడకట్టాలి.

ఇప్పుడు కడాయిలో రాగి పిండి మిశ్రమాన్ని వేసి తక్కువ మంటపై నిరంతరం కలుపుతూ ఉడికించాలి. రాగి మిశ్రమం చిక్కగా మారే వరకు ఉడికించాలి.

ఆ తర్వాత పాలు పోసి బాగా కలపాలి. పాయసం కావాల్సిన చిక్కదనం వచ్చే వరకు తక్కువ మంటపై ఉడికించాలి. చివరగా బెల్లం పాకం వేసి బాగా కలపాలి.

మరో చిన్న కడాయిలో నెయ్యి వేడి చేసి జీడిపప్పు, ఎండు ద్రాక్ష వేయించి పాయసంలో కలపాలి. చివరగా ఏలకుల పొడి వేసి కలిపితే రుచికరమైన రాగి పాయసం రెడీ.

చిన్న చిట్కా

బెల్లం వేసిన తర్వాత పాలను ఎక్కువసేపు మరిగించకుండా తక్కువ మంటపై కలుపుతూ ఉడికించడం మంచిది. రాగి పిండిని ముందుగా నీటిలో బాగా కలిపితే పాయసంలో ఉండలు ఏర్పడవు.