Global Rankings: ప్రపంచంలోనే బెస్ట్ ఫుడ్ ఇక్కడే దొరుకుతుందట.. రికార్డుకెక్కిన భారతీయ నగరం..

నూనె,సుగంధ ద్రవ్యాలు వాడటం వల్ల అజీర్ణం, గుండెల్లో మంట వంటి సమస్యలు కూడా పెరుగుతాయి. అదనంగా, కొన్ని దుకాణాలలో శుద్ధి చేసిన పిండి, కల్తీ పదార్థాల వాడకం విచ్చలవిడిగా ఉంటుంది. ఇది జీర్ణవ్యవస్థపై ఒత్తిడిని పెంచుతుంది. రోడ్డు పక్కన దుకాణాల్లో ఉపయోగించే పదార్థాలు తాజాగా, మంచి నాణ్యతతో ఉండవు. కొన్ని సందర్భాల్లో కల్తీ రంగులు కూడా ఉపయోగిస్తుంటారు. ఇవి చర్మంపై దద్దుర్లు, శ్వాస సమస్యలను కూడా కలిగిస్తాయి. కాబట్టి బయటి ఆహారం తీసుకునేటప్పుడు చాలా జాగ్రత్తగా ఉండాలి.

ప్రపంచంలోనే బెస్ట్ ఫుడ్ దొరికే 20 నగరాల జాబితాను ప్రముఖ గ్లోబల్ ప్రచురణ సంస్థ టైమ్ అవుట్ ఇటీవల విడుదల చేసింది. అందులో ఒకే ఒక 2025 సంవత్సరానికి గానూ ఓ భారతీయ నగరం చోటు దక్కించుకుంది. అదే ముంబై. ఈ సంవత్సరం ఆహారం కోసం ప్రపంచంలోని 20 ఉత్తమ నగరాల కోసం టైమ్ అవుట్ ఇటీవల తన ర్యాంకింగ్‌లను విడుదల చేసింది. ముంబై 14వ స్థానాన్ని ఆక్రమించింది. గత సంవత్సరం ఇది ప్రపంచవ్యాప్తంగా 8వ స్థానంలో ఉంది. టైమ్ అవుట్ ముఖ్యంగా నగరంలోని వైవిధ్యమైన స్ట్రీట్ ఫుడ్ దొరికే ప్రదేశాల్ని హైలెట్ చేస్తూ ఈ జాబితాను విడుదల చేసింది. ఆకలితో ఉన్నప్పుడు కచ్చితంగా టేస్టీ ఫుడ్ కోసం వెళ్లవలసిన ప్రదేశాలు దక్షిణ జవేరి బజార్ నుండి ఉత్తర ఘట్కోపర్ వరకు ఉన్న ఖావ్ గల్లీస్ (ఆహార వీధులు)ను ఇందులో చేర్చారు. రుచికరమైన చాట్, జంబో-శాండ్‌విచ్‌లు, కూరగాయలు నిండిన ‘పిజ్జాలు’, బీరుట్ తో చేసే ఫ్రాంకీ-ర్యాప్‌లు మరియు డ్రై-ఫ్రూట్-టాప్డ్ ఫలూదా వంటివన్నీ ఇక్కడి ప్రత్యేకతలుగా తెలిపింది. ఇందులో ముంబైకి 14వ స్థానం దక్కగా.. తొలిస్థానంలో యూఎస్ ఏ లోని న్యూ ఓర్లిన్స్ ఉంది. ఆ తర్వాతి స్థానాల్లో థాయిలాండ్ కొలంబియాకు చెందిన నగరాలున్నాయి.

టాప్ 20 నగరాలు..

న్యూ ఓర్లీన్స్, యూఎస్‌ఏ

బ్యాంకాక్, థాయిలాండ్
మెడెల్లిన్, కొలంబియా
కేప్ టౌన్, దక్షిణాఫ్రికా
మాడ్రిడ్, స్పెయిన్
మెక్సికో నగరం, మెక్సికో
లాగోస్, నైజీరియా
షాంఘై, చైనా
పారిస్, ఫ్రాన్స్
టోక్యో, జపాన్
మారకేష్, మొరాకో
లిమా, పెరూ
రియాద్, సౌదీ అరేబియా
ముంబై, ఇండియా
అబుదాబి, యునైటెడ్ అరబ్ ఎమిరేట్స్
కైరో, ఈజిప్ట్
పోర్టో, పోర్చుగల్
మాంట్రియల్, కెనడా
నేపుల్స్, ఇటలీ
శాన్ జోస్, కోస్టా రికా

ఈ జాబితాను ఎలా తయారు చేస్తారు..

ఈ జాబితాను రూపొందించడానికి ప్రపంచవ్యాప్తంగా వేలాది మందిని సర్వే చేసినట్లు టైమ్ అవుట్ తెలిపింది. రకాల ఆహారీలకు రేటింగ్ ఇవ్వాలని స్థానికులను కోరారు. అందులో నాణ్యత, రుచి, వెరైటీ ఇలా పలు కేటగిరీల ఆధారంగా వీటిని వేరు చేస్తారు. విమర్శకుల ప్రశంసలందుకున్న ఫుడ్, అది లభించే నగరాల ఆధారంగా ఈ ర్యాంకింగ్స్ ను అందించారు.