కొత్త కలర్‌ జెర్సీలో టీమిండియా క్రికెట్‌ ప్లేయర్లు..!

టీమిండియా జెర్సీలు చూసి చూసి బోర్‌ కొట్టేసిందా? నైంటీస్‌లో వేసుకున్న కలర్‌ దుస్తులే బాగున్నాయనిపిస్తోందా? ఆస్ట్రేలియా సిరీస్‌ నుంచి మీరనుకున్న కలర్‌ జెర్సీలో భారత ఆటగాళ్లు కనిపించబోతున్నారు.. వన్డే, టీ-20 మ్యాచ్‌లలో కొత్త జెర్సీని ధరించబోతున్నారు. తొమ్మిదో దశకంలోలాగే జెర్సీలు నేవీ బ్లూ కలర్‌లో ఉండబోతున్నాయి.. మొన్నటి వరకు వాడిన నీలాకాశపు రంగు మారుతుంది.. ఆ ప్లేస్‌లో ముదురు నీలం రంగు రాబోతున్నది.. ఆ జెర్సీపై తెలుగు, ఎరుపు, ఆకపచ్చ రంగుల్లో స్ట్రిప్స్‌ ఉన్నాయి.. ఇంతకు ముందు భారత క్రికెటర్లకు నైకీ స్పాన్సర్‌గా ఉండేది.. ఇప్పుడా సంస్థ పక్కకు తప్పుకోవడంతో ఎంపీఎల్‌ స్పోర్ట్స్‌ స్పాన్సర్‌గా వ్యవహరిస్తోంది.. బీసీసీఐతో ఒప్పందం కూడా చేసుకుంది.. ఈ ఒప్పందం ప్రకారం టీమిండియా ప్లేయర్లకు కొత్త కిట్లను, కొత్త జెర్సీలను అందచేస్తుంది.. మరోవైపు క్రికెట్‌ ఆస్ట్రేలియా కూడా తమ ఆటగాళ్ల కోసం కొత్త జెర్సీలను సిద్ధం చేసింది.. ఈ నెల 27 నుంచి మూడు వన్డేల సిరీస్‌ మొదలవుతుంది.. డిసెంబర్‌ నాలుగు నుంచి టీ-20 మ్యాచ్‌లు ప్రారంభమవుతాయి..