‘మాస్టర్’ టీజర్ విడుదల, అదిరగొట్టిన విజయ్, పోరుకు రెడీ అంటోన్న సేతుపతి

దీపావళి సందర్భంగా తమిళ  స్టార్ హీరో విజయ్‌ నటించిన ‘మాస్టర్‌’ సినిమా టీజర్​ను విడుదల చేసింది మూవీ యూనిట్. ‘నాకు తెలుసు సర్‌.. జేడీ ఒక నేరస్థుడు. అయినా.. ఒక సాధారణ ప్రొఫెసర్‌ ఇంత డేంజరస్ వ్యక్తిగా ఎందుకు మారాడు..?’ అనే డైలాగ్‌తో టీజర్​ ప్రారంభమైంది. మంచి ఫైట్ సీన్లతో ఈ వీడియో​ ఆద్యంతం సినిమాపై అభిమానుల్లో అంచనాలు పెంచింది. ఇందులో హీరో విజయ్‌ ఒక స్టైలిష్‌, పవర్‌ఫుల్‌ ప్రొఫెసర్‌గా కనిపించి ఆకట్టుకున్నాడు. విజయ్, విజయ్ సేతుపతి మధ్య సాగే సన్నివేశాలు టీజర్‌లో హైలైట్‌గా నిలిచాయి.

ఖైదీ లాంటి బ్లాక్‌బస్టర్ తీసిన లోకేష్‌ కనగరాజ్ ఈ చిత్రాన్ని తెరకెక్కించారు. మాళవికా మోహనన్‌ హీరోయిన్‌గా నటించిన విజయ్‌ సేతుపతి విలన్‌గా  నటించారు. అనిరుధ్‌ రవిచందర్‌ మ్యూజిక్ అందించారు. అర్జున్‌ దాస్‌, సిమ్రన్‌, భాగ్యరాజ్‌, ఆండ్రియా, శ్రీనాథ్‌, సంజీవ్‌ గౌరీ కిషన్‌, వీజే రమ్య తదితరులు కీలక పాత్రలు పోషించారు. కోవిడ్ నేపథ్యంలో ఈ సినిమా విడుదల తేదీ వాయిదా పడుతూ వస్తోంది. మరి ఎప్పుడు ప్రేక్షకుల ముందుకు రానుందో తెలియాలంటే మరి కొద్ది రోజులు వెయిట్ చేయాల్సిందే. ఒకప్పుడు మెగాస్టార్ చిరంజీవి నటించిన సినిమా మాస్టర్ పేరుతో వస్తుండటంతో ఈ చిత్రానికి తెలుగులో కూడా మంచి బజ్ ఏర్పడింది.  స్నేహితుడు, తుపాకి,  అదిరింది, సర్కార్, విజిల్ సినిమాతో విజయ్‌కు తెలుగులో మంచి మార్కెట్ ఏర్పడింది.   మాస్టర్ సినిమాతో విజయ్ మరిన్ని రికార్డులు తిరగరాస్తాడని ఫ్యాన్స్ ఆశపడుతున్నారు.