పార్టీపై అభిమానం.. కొడుక్కు ‘కాంగ్రెస్’ అని నామకరణం!

ఉదయపూర్‌లోని రాజస్థాన్ ముఖ్యమంత్రి కార్యాలయంలో మీడియా అధికారిగా పనిచేస్తున్న వినోద్ జైన్ తన తన కుమారుడికి ‘కాంగ్రెస్ జైన్’ అని పేరు పెట్టాడు. తన కుటుంబం మొత్తం కాంగ్రెస్ పార్టీతో ముడిపడి ఉందని, తన భవిష్యత్ తరం కూడా కాంగ్రెస్ అడుగుజాడల్లో నడుచుకోవాలని నేను కోరుకుంటున్నారని, అందువల్ల పార్టీ పేరు మీద బాలుడికి పేరు పెట్టాలని నిర్ణయించుకున్నానని సీనియర్ జైన్ వివరించారు.

నా కుటుంబంలోని కొంతమంది సభ్యులు కాంగ్రెస్ అని పిలవడానికి ఇష్టపడలేదు, కాని నేను వారిని ఒప్పించి మరీ ఈ నిర్ణయాన్ని అమలు చేశానన్నారు.. నా కొడుకు జూలైలో జన్మించాడు. అతని జనన ధృవీకరణ పత్రం పొందటానికి నాకు చాలా నెలలు పట్టింది. ఈ రోజు జనన ధృవీకరణ పత్రంపై బాబు పేరు కాంగ్రెస్ జైన్‌గా నమోదు చేయబడింది అని వినోద్ జైన్ అన్నారు. జూలై 2019 లో జన్మించిన కాంగ్రెస్ జైన్, వినోద్ జైన్‌కు రెండవ సంతానం. అతడికి 18 ఏళ్ల వయసు వచ్చాక రాజకీయాల్లోకి రావాలని కోరుకుంటున్నాను అని వినోద్ తెలిపారు.