సూపర్ స్టార్‌‌‌‌‌‌‌‌‌‌‌తో సినిమా కోసం ఎదురుచూస్తున్న ఆ ముగ్గురు దర్శకులు.. మహేష్ ఎవరికి ఛాన్స్ ఇస్తాడో మరి…

సూపర్ స్టార్ మహేష్ బాబు ఈ ఏడాది అనీల్ రావిపూడి డైరెక్షన్లో సరిలేరు నీకెవ్వరు సినిమాతో సాలిడ్ హిట్ అందుకున్నాడు. ఈ సినిమా తర్వాత పరశురామ్ దర్శకత్వంలో ‘సర్కారు వారిపాట’ సినిమా చేస్తున్నాడు. ఈ సినిమా షూటింగ్ జనవరి నుంచి ప్రారంభం కానుంది. ఈ సినిమాలో ముద్దుగుమ్మ కీర్తిసురేష్ హీరోయిన్ గా నటిస్తుంది. బ్యాంకింగ్ రంగంలో జరిగే మోసాల నేపథ్యంలో ఈ సినిమా ఉండనుందని తెలుస్తుంది. ఇక ఆ మధ్య విడుదలైన ప్రీలుక్ పోస్టర్ ప్రేక్షకులను విపరీతంగా ఆకట్టుకుంది. ముఖ్యంగా మహేష్ మెడ పైన ఉన్న రూపాయి ట్యాటూ అభిమానులను ఆకట్టుకుంది. ఈ సినిమా తర్వాత మహేష్ ఎవరితో సినిమా చేయబోతున్నడన్నది ఇప్పుడు ఆసక్తిగా మారింది. సూపర్ స్టార్ తో సినిమా తెరకెక్కించాలని ఇప్పటికే చాలామంది దర్శకులు క్యూలో ఉన్నారు. రాజమౌళి, త్రివిక్రమ్, సుకుమార్ వంటి దర్శకులు మహేష్ తో సినిమాకోసం ఎదురుచూస్తున్నారు. అయితే మహేష్ తో సినిమా చేయడానికి మరో ముగ్గురు దర్శకులు కుడా సిద్దంగా ఉన్నారని తెలుస్తుంది. వారిలో మహేష్ తో గతంలో ‘ఒక్కడు’ లాంటి ఇండస్ట్రీ హిట్ అందించిన గుణ శేఖర్ ఎప్పటినుంచో మహేష్ తో సినిమా చేయాలని చూస్తున్నాడు. ప్రస్తుతం రెండు భారీ సినిమాలు చేస్తున్న గుణ శేఖర్ ఎలాగైనా మహేష్ తో సినిమా చేయాలని ప్రయత్నాలు చేస్తున్నడు. ఇక మహేష్ ను ‘పోకిరి’ సినిమాతో మాస్ ఆడియన్స్ కు మరింత దగ్గర చేసిన పూరిజగన్నాథ్. మహేష్ తో ‘జనగణమణ’ అనే సినిమా చేయాలని ప్రయత్నిస్తున్నాడు. అలాగే ‘దూకుడు’ సినిమాతో మహేష్ కెరియర్ లో మరో సూపర్ హిట్ ఇచ్చిన శ్రీను వైట్ల. ‘దూకుడు’ సీక్వెల్ చేయాలని చూస్తున్నాడు. ఈ ముగ్గురు మరో సారి మహేష్ తో సినిమా చేయాలని ఎదురుచూస్తున్నారు. అయితే మహేష్ మాత్రం ఈ ముగ్గురు కథలు వినేంత గ్యాప్ కుడా లేనంత బిజీగా ఉన్నాడు. మరి ఈ దర్శకుల్లో మహేష్ ను మెప్పించి ఎవరు సినిమా చేస్తారో చూడాలి.