YouTube Premium: యూట్యూబ్‌ ప్రీమియమ్‌తో లభించే అదనపు లాభాలేంటో తెలుసా.?
YouTube Premium: ఏదైనా వీడియో చూడాలంటే ముందుగా గుర్తొచ్చేది యూట్యూబ్‌. ఉచితంగా సేవలు పొందే యూట్యూబ్‌లో డబ్బులు చెల్లించే ప్రీమియం వెర్షన్‌ కూడా ఉందని తెలిసిందే. ఇంతకీ యూట్యూబ్‌ ప్రీమియం వల్ల కలిగే లాభాలేంటో తెలుసా.?
వీడియో స్ట్రీమింగ్‌ ప్లాట్‌ఫామ్‌ యూట్యూట్‌ గురించి తెలియని వారు ఉండరు. ఉచితంగా వీడియోలు చూడాలంటే ముందుగా గుర్తొచ్చేది ఇది. అయితే యూట్యూబ్‌లో ప్రీమియమ్‌ కూడా ఉంది. మరి దీనివల్ల లభించే అదనపు లాభాలేంటో తెలుసుకుందామా.?
ప్రీమియమ్‌ సబ్‌స్క్రైబర్ల కోసం యూట్యూబ్‌ ప్రత్యేక కంటెంట్‌ను అందిస్తోంది. వెబ్‌ సిరీస్‌లు, షోలతో పాటు ప్రత్యేకమైన ఒరిజినల్‌ కంటెంట్‌ను అందిస్తుంది.
యూబ్యూట్‌లో యూజర్లను చిరాకు పెట్టేది యాడ్స్‌. అయితే ప్రీమియమ్‌ తీసుకున్న వారు ఎలాంటి యాడ్స్‌ లేకుండా వీడియోలను నాన్‌స్టాప్‌గా చూడొచ్చు.
యూట్యూబ్‌ యాప్‌ నుంచి బయటకి వచ్చినా బ్యాక్‌గ్రౌండ్‌లో ఆడియో వినొచ్చు. అంతేకాకుండా డిస్‌ప్లేపై పిక్చర్‌-ఇన్‌-పిక్చర్‌ మోడ్‌లో వీడియోను ప్లే చేసుకునే అవకాశం లభిస్తుంది.
యూట్యూబ్‌ మ్యూజిక్‌ ఉచితంగా పొందొచ్చు. అలాగే ప్రీమియం తీసుకున్న వారు ఆఫ్‌లైన్‌లో వీడియోలను 720P, 1080P వంటి హైరెజల్యూన్‌లో డౌన్‌లోడ్ చేసుకోవచ్చు.