బ్రేకింగ్ : బోరు బావిలోని బాలుడు ఇకలేడు..!

చిమ్మచీకట్లో ఐదు రోజులపాటు బోరుబావిలో సజీవంగా ఉన్న బాలుడు ఫతేవీర్‌ సింగ్ ఆసుపత్రిలో చికిత్స పొందుతూ మృతి చెందాడు. పంజాబ్‌లోని సంగ్రూర్ ప్రాంతంలో ఆడుకుంటూ వెళ్లి మూతలేని బోరుబావిలో పడిన బాలుడు. ఐదు రోజుల నుంచి ఆ తల్లిదండ్రులు, గ్రామస్థులు చేసిన పూజలు, హోమాలు ఫలించాయి. మృత్యుంజయుడిగా ఆ బాలుడు బయటపడ్డాడు. దాదాపు 150 అడుగలలో 109 గంటల పాటు సహాయక చర్యలు చేపట్టిన ఎన్డీఆర్ఎఫ్ రెస్క్యూ టీం.. చివరకు ప్రాణాలతో ఆ బాలుడిని బయటకు తీశారు. అనంతరం వెంటనే చికిత్స కోసం ఆస్పత్రికి తరలించారు. అయితే.. చికిత్స పొందుతూ ఫతేవీర్ సింగ్ మృతి చెందాడు. తమ బిడ్డ బయటకు వచ్చాడన్న తల్లిదండ్రుల ఆనందం నిమిషాల్లో ఆవిరైపోయింది.