తేజస్వి యాదవ్ గుడ్ బాయ్, కానీ బీహార్ ని పాలించే శక్తి లేదు, బీజేపీ నేత ఉమాభారతి వ్యాఖ్య

ఆర్జేడీ నేత తేజస్వి యాదవ్ ‘గుడ్ బాయ్’ అని బీజేపీ నాయకురాలు ఉమాభారతి వ్యాఖ్యానించారు. కానీ ఒక రాష్ట్రాన్ని పాలించేంత అనుభవం అతనికి లేదన్నారు. తేజస్వి చిన్న వయస్సువాడని, రాష్ట్రానికి సారథ్యం వహించే అనుభవం లేకపోవడంతో బీహార్ గట్టెక్కిందని  అన్నారు. బహుశా పెద్దవాడయ్యాక బీహార్ ని తేజస్వి లీడ్ చేయవచ్చు అని ఉమాభారతి పేర్కొన్నారు. ఇదే సమయంలో లాలూ ప్రసాద్ యాదవ్ ని కూడా ఆమె విడిచిపెట్టలేదు. బీహార్ ని మళ్ళీ జంగిల్ రాజ్ గా మార్చడానికి చివరకు ఆయనే గతి అవుతారన్నారు. ఈ ఎన్నికలో  కాంగ్రెస్ నేత కమల్ నాథ్ చాలా చక్కగా ఫైట్ చేశారని ఆమె సెటైర్ వేశారు. ఆయన తన సోదరుడు లాంటివాడని అంటూనే.. డీసెంట్ పర్సన్ అని, ఇంత చక్కగా ఈ ఎలెక్షన్ లో పోటీ చేసినట్టుగా ఆయన  గతంలో వ్యవహరించి ఉంటే ఆయన ప్రభుత్వం పడిపోయేది కాదన్నారు.