#IndiaVsAustralia2020 : రోహిత్, విరాట్ ఆసీస్ టూర్‌లో లేకపోవడంపై స్పందించిన స్టీవ్ స్మిత్

ఆస్ట్రేలియాతో టెస్టు సిరీస్​కు కెప్టెన్ కోహ్లీ, పరిమిత ఓవర్ల సిరీస్​కు రోహిత్ ​శర్మ దూరమవ్వడం  టీమిండియాకు పూడ్చలేని లోటని ఆసీస్​ స్టార్​ బ్యాట్స్​మన్​ స్టీవ్​ స్మిత్ అభిప్రాయపడ్డాడు​. అయితే క్లిష్ట పరిస్థితుల్లో ఉన్నప్పుడు ఆదుకునేందుకు ప్రత్యర్థి జట్టులో ప్రతిభావంతమైన ఆటగాళ్లు ఉన్నారని  చెప్పుకొచ్చాడు.

ఐపీఎల్​లో మయాంక్​, కేఎల్​ రాహుల్​ టాప్​ ఆర్డర్​లో అద్భుతంగా ఆడారు. కాబట్టి హిట్​మ్యాన్​ లోటును తీర్చేందుకు చాలా మార్గాలు ఉన్నాయని భావిస్తున్నాను అన్నారు. కోహ్లీ గొప్ప ఆటగాడు. చాలాకాలం నుంచి అన్ని ఫార్మాట్లలో బాగా ఆకట్టుకుంటున్నాడు. టెస్టు​​లకు అతడు దూరమవ్వడం జట్టుపై ప్రభావం చూపుతుంది అని అన్నాడు.

అయితే బాల్​ ట్యాంపరింగ్​ కారణంగా 2018-19 భారత్​-ఆసీస్​ బోర్డర్​-గావస్కర్ సిరీస్​కు స్మిత్​ దూరమయ్యాడు. అయితే ఈసారి జరగబోయే సిరీస్​లో మాత్రం తాను అదరగొట్టాలని అనుకుంటున్నట్లు స్మిత్ చెప్పాడు. ఇరుజట్ల మధ్య ఈ సిరీస్ హోరాహోరీగా సాగుతుందని అన్నాడు.