మహిళా గ్రామ వాలంటీర్​పై వృద్ధుడి అసభ్య ప్రవర్తన..నిర్భయ కేసు న‌మోదు

Old man attempts rape on woman grama volunteer :పెన్ష‌న్ తీసుకునే వ‌య‌సు వచ్చినా కూడా ఆ వృద్ధుడు మ‌న‌సులోనుంచి పాడు ఆలోచ‌న‌లు పోలేదు. విధులు నిమిత్తం వెళ్లిన మ‌హిళా గ్రామ వాలంటీర్ ముందు త‌న పైత్యం ప్ర‌ద‌ర్శించాడు. అస‌భ్య‌క‌రంగా ప్ర‌వ‌ర్తించాడు. దీంతో ఇప్పుడు ఊచ‌లు లెక్క‌బెడుతున్నాడు.

వివ‌రాల్లోకి వెళ్తే.. అనంతపురం జిల్లా పామిడి మండలం ఎదురూరు గ్రామంలో.. గ్రామ వాలంటీర్​గా సేవ‌లందిస్తోన్న‌ ఓ మహిళపై.. రామకృష్ణ(62) అనే వ్య‌క్తి అసభ్యకరంగా ప్రవర్తించాడు. దీంతో ఇబ్బందిప‌డ్డ వాలంటీర్ ఇంటికి వెళ్లి తన భర్తకు విషయాన్ని చెప్పింది. ఆగ్ర‌హించిన‌ మహిళ భర్త కేశవ.. రామకృష్ణ ఇంటికి వెళ్లి నిలదీశాడు. అయితే ఎదురుదాడికి దిగిన రామకృష్ణ, అతని కుమారులు కలిసి గ్రామ వాలంటీర్ భర్తపై రాళ్లతో దాడికి దిగారు. దీంతో మ‌హిళా గ్రామ వాలంటీర్.. పామిడి పోలీసులను ఆశ్రయించింది. విచారణ చేపట్టిన పోలీసులు.. బాధితురాలు ఇచ్చిన ఫిర్యాదు మేరకు వృద్ధుడిపై నిర్భయ సెక్షన్ల కింద కేసు నమోదు చేసి అదుపులోకి తీసుకున్నారు. కాగా ప్ర‌భుత్వ ప‌థ‌కాలు ప్ర‌జ‌ల‌కు చేరువ చేయ‌డంతో పాటు క‌రోనా స‌మ‌యంలో అత్యంత కీల‌కంగా వ్య‌వ‌హ‌రిస్తోన్న వాలంటీర్ పై ఈ త‌ర‌హా దాడి జ‌ర‌గడం ప‌ట్ల స్థానికులు ఆగ్ర‌హం వ్య‌క్తం చేస్తున్నారు.

Read More :  షాకింగ్..వ్య‌క్తి పొత్తి క‌డుపులో 20 సెం.మీ పొడ‌వైన క‌త్తి…