చిక్కుల్లో సౌదీ క్రౌన్ ప్రిన్స్ మొహమ్మద్ బిన్ సల్మాన్

Saudi Crown Prince : సౌదీ మాజీ ఇంటెలిజెన్స్ అధికారిని చంపడానికి కెనడాకు హిట్ స్క్వాడ్ పంపినట్లు సౌదీ అరేబియా క్రౌన్ ప్రిన్స్ మొహమ్మద్ బిన్ సల్మాన్ ఆరోప‌ణ‌లు ఎదుర్కొంటున్నారు. టర్కీలో జర్నలిస్ట్ జమాల్ ఖాషోగ్గి హత్య జరిగిన వెంటనే సాద్ అల్-జాబ్రీని చంపడానికి ప‌న్నిన కుట్ర బ‌య‌ట‌ప‌డింది. అగ్ర‌రాజ్యం అమెరికాలోని కోర్టులో దీనికి సంబంధించి ఫిర్యాదు అందింది. జర్నలిస్ట్ జమాల్ ఖాషొగ్గిని అదే బృందంలోని సభ్యులు హత్య చేసిన కొద్ది రోజులకే అల్-జాబ్రీ చంపే ఉద్దేశ్యంతో సౌదీ క్రౌన్ ప్రిన్స్ మొహమ్మద్ బిన్ సల్మాన్ ప్ర‌య‌త్నించిన‌ట్లు సౌదీ మాజీ సీనియర్ ఇంటెలిజెన్స్ అధికారి కూడా ఆరోపించారు. క్రౌన్ ప్రిన్స్ అతన్ని ఇంటికి తిరిగి రప్పించడానికి లేదా సౌదీలకు మరింత అందుబాటులో ఉండే ప్రదేశానికి రప్పించడానికి అనేక ప్రయత్నాలు చేసాడు, కాని విఫలమయ్యాడు. తరువాత అతన్ని తొలగించాలని నిర్ణయించుకున్నట్లు వార్త‌లు వ‌స్తున్నాయి.

సౌదీ అరేబియా ప్రభుత్వానికి చెందిన అనుభవజ్ఞుడైన మిస్టర్ జాబ్రీ మూడేళ్ల క్రితం ప్రవాసంలోకి పారిపోయారు. అతను అప్పటి నుండి టొరంటోలో ప్రైవేట్ భద్రతా రక్షణలో ఉన్నాడు.