టీఎస్ఆర్టీసీ వినూత్న ప్రయత్నం.. త్వరలోనే డ్రైవింగ్ స్కూల్స్..

RTC Driving Schools: ప్రయాణీకులను గమ్యస్థానాలకు చేరవేసే టీఎస్ఆర్టీసీ.. ఇటీవల కార్గో సర్వీసులను ప్రారంభించిన సంగతి తెలిసిందే. ఇక తాజాగా మరో అడుగు ముందుకేసి రాష్ట్రవ్యాప్తంగా డ్రైవింగ్ స్కూల్స్ ఏర్పాటు చేసేందుకు సన్నాహాలు చేస్తోంది. మొదటిగా హైదరాబాద్, వరంగల్ ప్రాంతాల్లో ఈ స్కూల్స్‌ను ఏర్పాటు చేసేలా ఆర్టీసీ ప్రణాళికలు సిద్దం చేస్తోంది. కరోనా నేపధ్యంలో లాక్‌డౌన్‌ కారణంగా ఏర్పడిన ఆర్ధిక సంక్షోభం నుంచి బయటపడేందుకు ఆర్టీసీ యాజమాన్యం ఈ మేరకు నిర్ణయం తీసుకున్నట్లు తెలుస్తోంది.

లాక్‌డౌన్‌ సమయంలో ఆర్టీసీ సుమారు రూ.700 కోట్లు నష్టపోయింది. ప్రస్తుతం పరిమితి సంఖ్యలో బస్సు సర్వీసులను నడుపుతున్నా.. ఆదాయం అంతంతమాత్రంగానే వస్తోంది. దీనితో ప్రత్యామ్నాయంగా త్వరలోనే మూడు డ్రైవింగ్ స్కూల్స్‌ను ప్రారంభించనుంది. ఈ శిక్షణా కేంద్రాల్లో కార్ల దగ్గర నుంచి భారీ వాహనాల వరకు అన్నింటిని నడిపే విధంగా శిక్షణ ఇవ్వనుంది. కాగా, ఈ డ్రైవింగ్ స్కూల్స్‌లో శిక్షణకు ఇంకా ఫీజు నిర్ణయించలేదు. అటు మొత్తం శిక్షణ 40 రోజులు ఉండే విధంగా.. అందులో 10 రోజులు థియరీ క్లాసులు, 30 రోజులు ప్రాక్టికల్స్ ఉండేలా అధికారులు షెడ్యూల్‌ను రూపొందిస్తున్నారు.

Also Read:

సచివాలయాల్లో రిజిస్ట్రేషన్లు.. జగన్ సర్కార్ సంచలనం..

పవన్‌ను పొగుడుతూ అలీ ట్వీట్.. జనసైనికులు ఆగ్రహం..

”వందేళ్ల జీవితం మార్కుల కంటే విలువైనది”.. ఐఏఎస్ సూపర్బ్ ట్వీట్..

డిజిటల్ వార్.. చైనాకు మరో భారీ షాక్.. హువావేపై నిషేధం..