బ్లాకులో రెమ్ డెసివిర్ ఇంజెక్షన్ సేల్స్..ఏడుగురి అరెస్ట్

కరోనా వైరస్ చికిత్సలో ఉపయోగించే రెమ్ డెసివిర్ ఇంజెక్షన్ ని బ్లాకులో అత్యధిక ధరకు విక్రయిస్తున్న ఏడుగురిని ముంబై పోలీసులు అరెస్టు చేశారు. ఈ మెడిసిన్ ‘వైల్’ మెడికల్ షాపుల్లో 5,400 రూపాయలకు లభిస్తుండగా..వీరు 30 వేల రూపాయలకు పైగా అమ్ముతున్నారని పోలీసు అధికారి ఒకరు తెలిపారు. ఈ నగరంలో  రెండు చోట్ల ఫుడ్ అండ్ డ్రగ్ అడ్మినిస్ట్రేషన్ అధికారులు, క్రైమ్ బ్రాంచ్ పోలీసులు దాడి చేసి ఈ మెడిసిన్  నిల్వలను స్వాధీనం చేసుకున్నారు. మఫ్టీలో ఇద్దరు పోలీసులను పంపి.. గుట్టు రట్టు చేశారు. అలాగే ఈ మందును తయారు చేస్తున్న డెల్ఫా ఫార్మస్యూటికల్స్ అనే సంస్థకు చెందిన అయిదుగురిని, మరో ఇద్దరిని అరెస్టు చేశారు. ప ఇలా బ్లాకులో దీన్ని విక్రయిస్తున్న వ్యక్తుల గురించి ప్రజలు  రహస్యంగా తమకు సమాచారం ఇవ్వాలని పోలీసులు కోరుతున్నారు.