రైతు చట్టాలను చదివి అందరికీ షేర్​ చేయండి.. అన్నదాతకు లేఖ రాసిన ప్రధాని మోదీ..

వ్యవసాయ చట్టాలు రైతులకు ఎలా ఉపయోగపడతాయో తెలియజేస్తూ ప్రభుత్వం విడుదల చేసిన ‘ఈ బుక్​లెట్​’ ​లను చదవాలని ప్రధాని నరేంద్ర మోదీ కోరారు. ఈ సాగు చట్టాల ప్రయోజనాలు, వీటి ద్వారా లబ్ధి పొందిన రైతుల విజయగాథలను పేర్కొంటూ కేంద్రం ఈ-బుక్​లెట్లు విడుదల చేసింది. ఆంగ్లం, హిందీ భాషల్లో ఇవి లభ్యమవుతాయని.. అందరూ వీటిని చదివి షేర్​ చేయాలని మోదీ ట్వీట్​ చేశారు.

“ఇటీవలే అమలు చేసిన వ్యవసాయ చట్టాలు రైతులకు ఎలా ఉపయోగపడతాయో అనే దానిపై ఈ-బుక్​లెట్​లలో పూర్తి వివరణ ఉంది. నమో యాప్​లోనూ మీరు వీటిని చూడవచ్చు. అవి చదివి అందరికీ షేర్​ చేయండి”.

వ్యవసాయ చట్టాలను రద్దు చేయాలని రైతులు మూడు వారాలుగా దిల్లీ సరిహద్దుల్లో నిరసనలు చేస్తున్నారు. ప్రభుత్వం, రైతు సంఘాలు పలుమార్లు చర్చలు జరిపినా ఈ విషయంపై స్పష్టత రాలేదు.