గురుగ్రామ్ లో ఆసుపత్రిపై రోగి బంధువుల దాడి, ట్రక్కుతో ఢీ కొట్టి, నానా విధ్వంసం, వీడియో సాక్షిగా
హర్యానాలోని గురుగ్రామ్ లో ఓ ఆసుపత్రిపై ట్రక్కుతో దాడి చేశారు ఇద్దరు రోగుల బంధువులు. ఈ వృధ్ధ రోగులకు చికిత్సపై ఒకే కుటుంబానికి చెందిన సభ్యుల మధ్య రేగిన వాగ్యుధ్ధం చిలికి చిలికి గాలివానగా..
హర్యానాలోని గురుగ్రామ్ లో ఓ ఆసుపత్రిపై ట్రక్కుతో దాడి చేశారు ఇద్దరు రోగుల బంధువులు. ఈ వృధ్ధ రోగులకు చికిత్సపై ఒకే కుటుంబానికి చెందిన సభ్యుల మధ్య రేగిన వాగ్యుధ్ధం చిలికి చిలికి గాలివానగా మారింది. దాంతో ఓ వ్యక్తి తన బంధువులతో కలిసి ట్రక్కులో వచ్చాడు. ఆ వాహనంతో ఆసుపత్రిపై కసిదీరా దాడి చేశాడు. ఏడెనిమిది సార్లు ట్రక్కుతో ఢీ కొట్టగా హాస్పిటల్ లోని పరికరాలు ధ్వంస మయ్యాయి. అతగాడు ఆగ్రహంతో అక్కడే ఉన్న మరికొన్ని వాహనాలను కూడా ఢీ కొట్టడంతో అవి దెబ్బ తిన్నాయి. ఇదంతా వీడియోకెక్కింది. . ఈ వ్యక్తి తాలూకు రోగులకు చికిత్స బాగానే అందుతోందని, అయితే వారి రెండు కుటుంబాల మధ్య తలెత్తిన గొడవతో ఆ వ్యక్తి ఈ బీభత్సానికి పాల్పడ్డాడని హాస్పిటల్ యాజమాన్యం తెలిపింది. అదృష్టవశాత్తూ ఈ ఘటనలో ఎవరూ గాయపడలేదు. ఈ ఘటనపై వారు పోలీసులకు ఫిర్యాదు చేశారు. ఇక్కడి రోగులకు, ఆసుపత్రి స్టాఫ్ కు ఏదైనా జరిగిఉంటే అని అంతా ఆందోళన చెందారు.
#WATCH Gurugram: CCTV footage shows a man ramming his pick-up truck inside Balaji Hospital premises at Basai Chowk after a tussle between members of the same family over the treatment of 2 elderly patients. Case registered, no arrest made yet
(CCTV footage from 18/12/2020) pic.twitter.com/jjf6jAK8Yr
— ANI (@ANI) December 20, 2020