కమల్‌నాథ్‌ మంచి వ్యక్తిత్వం ఉన్న మనిషి : ఉమాభారతి

మధ్యప్రదేశ్‌ ఉప ఎన్నికల్లో కాంగ్రెస్‌ సీనియర్‌ నేత కమల్‌నాథ్‌ గట్టిగా పోరాడారని అన్నారు బీజేపీ సీనియర్‌ నాయకురాలు ఉమాభారతి.. ఆయనకు మంచి వ్యక్తిత్వం ఉన్నదని, తన పెద్దన్నయ్యలాంటివారని ఉమాభారతి చెప్పారు. ఉప ఎన్నికల్లో కనబర్చిన పోరాట స్ఫూర్తిని ప్రభుత్వం నడపడంలో చూపి ఉంటే బాగుండేదన్నారు. ఇక తేజస్వీ యాదవ్‌ గురించి కూడా మంచి మాటలే చెప్పారామె! తేజస్వీ మంచి అబ్బాయని, కాకపోతే రాష్ట్రాన్ని నడిపే సామర్థ్యం అతడిలో లేదని అన్నారు. అదృష్టం కొద్దీ అతడి పంటికింద నుంచి బీహార్‌ కొద్దిలో తప్పించుకుంది కానీ లేకపోతే మళ్లీ అటవిక రాజ్యం వచ్చేదని తెలిపారు.. లాలూ ప్రసాద్‌ తెరవెనుక నుంచి పాలన సాగించేవారన్నారు. కాస్త పెద్దయ్యాక తేజస్వీ రాజకీయాలు చేయాలని సలహా ఇచ్చారు ఒకప్పుడు మధ్యప్రదేశ్‌కు ముఖ్యమంత్రిగా ఉన్న ఉమాభారతి..