వీడియోకాన్ కేసులో దీపక్ కొచార్ కు ఈ నెల 19 వరకు రిమాండ్

ఐసీఐసీఐ బ్యాంకు మాజీ ఎండీ, సీఈఓ చందా కొచార్ భర్త దీపక్ కొచార్ ను ఈడీ ఈనెల 19 వరకు కస్టడీలోకి తీసుకోనుంది. మనీలాండరింగ్ వ్యవహారాల కేసులను విచారించే ప్రత్యేక కోర్టు ఇందుకు ఈడీకి అనుమతినిచ్చింది. 2010 లో ఈ బ్యాంకు రుణాలు ,మంజూరు చేసిన అనంతరం మాట్రిక్స్ ఫెర్టిలైజర్స్ నుంచి రూ. 325 కోట్లను, వీడియోకాన్ గ్రూపు నుంచి రూ. 64 కోట్ల పెట్టుబడులను దీపక్ నేతృత్వంలోని నూపవర్ రేనివబుల్స్ అందుకుంది. ఇందులో మనీలాండరింగ్ కోణం ఉందని ఈడీ భావించింది. ఈ రుణాల మంజూరులో చందా కొఛార్ పాత్ర కూడా ఉందని ఈ సంస్థ అనుమానిస్తోంది.