AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Karimnagar: అర్ధరాత్రి వంటగదిలో వింత శబ్దాలు.. పిల్లి అనుకున్నారు.. తీరా చూస్తే..

అర్ధరాత్రి వేళ ఇంట్లో కుటుంబ సభ్యులంతా గాఢ నిద్రలో ఉండగా.. వంటగది నుంచి వింత శబ్దాలు వినిపించాయి. తొలుత పిల్లి వచ్చిందని భావించిన కుటుంబ సభ్యులు, శబ్దం పదేపదే రావడంతో లేచి చూశారు. తీరా వంటగది కిటికీ దగ్గర భారీ కొండచిలువ కనిపించడంతో ఒక్కసారిగా భయాందోళనకు గురయ్యారు. కరీంనగర్‌ జిల్లా హుజూరాబాద్‌ మండలం సిరిసపల్లి గ్రామంలో ఈ ఘటన చోటుచేసుకుంది.

Karimnagar: అర్ధరాత్రి వంటగదిలో వింత శబ్దాలు.. పిల్లి అనుకున్నారు.. తీరా చూస్తే..
Giant Python
G Sampath Kumar
| Edited By: |

Updated on: Nov 21, 2026 | 9:40 AM

Share

ఇంట్లో కుటుంబ సభ్యులంతా గాఢ నిద్రలో ఉన్నారు. ఇంతలో వంటగది వైపు నుంచి ఏదో శబ్దం వినిపించింది. తొలుత పిల్లి వచ్చిందేమో అనుకున్నారు. కానీ శబ్దం మళ్లీ మళ్లీ వినిపించడంతో అనుమానం వచ్చి లేచి చూశారు. అంతే.. వంటగది కిటికీ దగ్గర భారీ కొండచిలువ కనిపించడంతో ఒక్కసారిగా హడలిపోయారు. అర్ధరాత్రి వేళ చోటుచేసుకున్న ఈ ఘటన కరీంనగర్‌ జిల్లాలో కలకలం రేపింది.

కరీంనగర్‌ జిల్లా హుజూరాబాద్‌ మండలం సిరిసపల్లి గ్రామంలో ఈ ఘటన జరిగింది. గ్రామానికి చెందిన ఆడెపు రాజమల్లు కుటుంబ సభ్యులతో కలిసి ఇంట్లో నిద్రపోతున్నారు. అర్ధరాత్రి సమయంలో ఓ భారీ కొండచిలువ వంటగది కిటికీ నుంచి ఇంట్లోకి ప్రవేశించింది. అయితే ఆ సమయంలో ఎవరూ దాన్ని గమనించలేదు.

కొద్దిసేపటి తర్వాత వంటగది నుంచి ఏదో అలికిడి వినిపించింది. తొలుత పిల్లి వచ్చి ఉంటుందని భావించిన కుటుంబ సభ్యులు పెద్దగా పట్టించుకోలేదు. కానీ శబ్దం పదేపదే రావడంతో నిద్రలేచి వంటగదిలోకి వెళ్లి చూశారు. అక్కడ కనిపించిన భారీ కొండచిలువను చూసి ఒక్కసారిగా భయభ్రాంతులకు గురయ్యారు. ఏం చేయాలో పాలుపోక వెంటనే పోలీసులకు ఫోన్‌ చేసి సమాచారం అందించారు.

విషయం తెలుసుకున్న హుజూరాబాద్‌ పోలీస్‌ స్టేషన్‌కు చెందిన బ్లూకోట్‌ సిబ్బంది అనిల్‌, రాజేంద్ర ప్రసాద్‌ వెంటనే అక్కడికి చేరుకున్నారు. ఇంట్లో కొండచిలువ ఉన్న విషయాన్ని గుర్తించి స్నేక్‌ క్యాచర్‌ అష్టల్‌కు సమాచారం ఇచ్చారు. ఆయన హుటాహుటిన అక్కడికి చేరుకుని ఎంతో చాకచక్యంగా కొండచిలువను పట్టుకున్నారు. అనంతరం దాన్ని సురక్షితంగా బయటకు తీసుకెళ్లారు.

కొండచిలువ పట్టుబడటంతో కుటుంబ సభ్యులు, స్థానికులు ఊపిరి పీల్చుకున్నారు. అర్ధరాత్రి వేళ ఇంట్లోకి భారీ పాము రావడంతో గ్రామంలో కొద్దిసేపు ఉత్కంఠ నెలకొంది. సకాలంలో స్పందించి తమకు సహాయం చేసిన పోలీసు సిబ్బంది, స్నేక్‌ క్యాచర్‌ అష్టల్‌ను గ్రామస్తులు అభినందించారు. ఇంటి పరిసరాల్లో పాములు కనిపిస్తే వాటిని పట్టుకునేందుకు లేదా తరిమేందుకు ప్రయత్నించకుండా వెంటనే పోలీసులకు లేదా శిక్షణ పొందిన స్నేక్‌ రెస్క్యూ సిబ్బందికి సమాచారం ఇవ్వాలి.

Follow Us
వంటగదిలో రాత్రి పూట ఈ శబ్దాలు ఏంటా అని చూడగా.. బాబోయ్..
వంటగదిలో రాత్రి పూట ఈ శబ్దాలు ఏంటా అని చూడగా.. బాబోయ్..
డీజే సౌండ్‌కు వణికిపోయిన భారీ పాత్రలు.. నెట్టింట వీడియో హల్‌చల్
డీజే సౌండ్‌కు వణికిపోయిన భారీ పాత్రలు.. నెట్టింట వీడియో హల్‌చల్
జంతువును మింగి పత్తి చేనులో తిష్టవేసిన భారీ కొండచిలువ..
జంతువును మింగి పత్తి చేనులో తిష్టవేసిన భారీ కొండచిలువ..
నేను పెద్ద స్టార్ అనే భావం ఆయనలో ఏమాత్రం ఉండదు..
నేను పెద్ద స్టార్ అనే భావం ఆయనలో ఏమాత్రం ఉండదు..
ముఖం మెరిసిపోవాలంటే మజ్జిగతో ఇలా చేయండి.. ఖరీదైన క్రీములు వొద్దు!
ముఖం మెరిసిపోవాలంటే మజ్జిగతో ఇలా చేయండి.. ఖరీదైన క్రీములు వొద్దు!
పొరపాటున కూడా రోడ్డు మీద ఈ వస్తువులు కనపడితే అస్సలు దాటకండి.. 
పొరపాటున కూడా రోడ్డు మీద ఈ వస్తువులు కనపడితే అస్సలు దాటకండి.. 
తన పిల్లలను కాకి చేత పెంచించే కోయిల.. ప్రకృతిలో ఇదో వింత వ్యూహం!
తన పిల్లలను కాకి చేత పెంచించే కోయిల.. ప్రకృతిలో ఇదో వింత వ్యూహం!
మార్కెట్‌కు వెళ్లే పనిలేదు.. ఇప్పుడు ఇంట్లోనే ఈజీగా ఇలా ఆలూ పంట
మార్కెట్‌కు వెళ్లే పనిలేదు.. ఇప్పుడు ఇంట్లోనే ఈజీగా ఇలా ఆలూ పంట
శునకం కడుపు నుంచి 5.2 కిలోల కణితి తొలగింపు
శునకం కడుపు నుంచి 5.2 కిలోల కణితి తొలగింపు
రూ.1 కోటి టర్మ్ ఇన్సూరెన్స్ సరిపోతుందా? ఎంత బీమా అవసరం?
రూ.1 కోటి టర్మ్ ఇన్సూరెన్స్ సరిపోతుందా? ఎంత బీమా అవసరం?