‘చాణక్య’కు థియేటర్లు ఇవ్వొద్దు.. నిర్మాత బెదిరింపులు!
మెగాస్టార్ చిరంజీవి ‘సైరా’ సినిమా అక్టోబర్ 2న ప్రేక్షకుల ముందుకు రానుంది. మెగాస్టార్ స్టామినా.. అందులోనూ ప్యాన్ ఇండియా మూవీ కావడంతో బొమ్మ హిట్ టాక్ తెచ్చుకుంటే మిగిలిన ఏ సినిమాలు కూడా ఈ తాకిడిని తట్టుకోలేవు. అందుకే చిరంజీవి సినిమా వస్తుంటే.. దాదాపు అన్ని సినిమాలు సైడ్ ఇవ్వడం మాములే. అయితే ఇవేం పట్టించుకోకుండా గోపీచంద్ హీరోగా వస్తున్న ‘చాణక్య’ మూవీ అక్టోబర్ 5న విడుదల కానుంది. ఈ మధ్య గోపీచంద్కు సరైన హిట్స్ లేవు. […]
మెగాస్టార్ చిరంజీవి ‘సైరా’ సినిమా అక్టోబర్ 2న ప్రేక్షకుల ముందుకు రానుంది. మెగాస్టార్ స్టామినా.. అందులోనూ ప్యాన్ ఇండియా మూవీ కావడంతో బొమ్మ హిట్ టాక్ తెచ్చుకుంటే మిగిలిన ఏ సినిమాలు కూడా ఈ తాకిడిని తట్టుకోలేవు. అందుకే చిరంజీవి సినిమా వస్తుంటే.. దాదాపు అన్ని సినిమాలు సైడ్ ఇవ్వడం మాములే. అయితే ఇవేం పట్టించుకోకుండా గోపీచంద్ హీరోగా వస్తున్న ‘చాణక్య’ మూవీ అక్టోబర్ 5న విడుదల కానుంది. ఈ మధ్య గోపీచంద్కు సరైన హిట్స్ లేవు. అందులోనూ వచ్చేది పండగ సీజన్. పెద్ద సినిమా లైన్లో ఉన్నా.. ఏ చిత్రానికి దక్కాల్సిన ఆదరణ దానికే దక్కుతుందని నమ్ముతూ ‘చాణక్య’ను రిలీజ్కు సిద్ధం చేస్తున్నారు. అయితే ఈ సినిమాకి థియేటర్స్ దొరుకుతాయా.? లేదా అనేదే అసలు ప్రశ్న.
అక్టోబర్ 2న బుధవారం ‘సైరా’ విడుదల అవుతోంది. ఒకవేళ సినిమా హిట్ అయితే.. ఆ హవా రెండు, మూడు రోజులు తప్పకుండా ఉంటుంది. ఎక్కువ థియేటర్స్ కావడంతో మూడు రోజుల తర్వాత సందడి క్రమేపి తగ్గు ముఖం పడుతుంది. అందుకే చాణక్య సైలెంట్గా శనివారం ప్రేక్షకుల ముందుకు వస్తున్నాడు. అయితే ‘సైరా’కు ధీటుగా ‘చాణక్య’ను విడుదల చేస్తున్నారని.. ఓ నిర్మాత థియేటర్ యజమానులకు ఫోన్ చేసి ‘చాణక్యకు థియేటర్లు ఇవ్వొద్దు’ అని బెదిరిస్తున్నాడని ఇండ్రస్ట్రీ వర్గాల టాక్. ‘సైరా’ బాహుబలి రికార్డుల్ని బద్దలు కొట్టాలన్న ధ్యేయంతో వస్తోందని, పండగ అయ్యేంత వరకూ అదే సినిమా ఆడాలని.. అలా జరగాలంటే – ‘చాణక్య’కు థియేటర్లు ఇవ్వకూడదని.. గట్టిగా చెబుతున్నాడని సమాచారం. ఏది ఏమైనా గోపీచంద్ రిస్క్ తీసుకుంటున్నాడనే చెప్పాలి.