సూర్యాపేట గౌతమ్ మిస్సింగ్ మిస్టరీ.. కేసును ఛేదించిన పోలీసులు..బాలుడు సేఫ్ !

గౌతమ్ మిస్సింగ్ మిస్టరీ.. ఆ ఫోన్ కాల్ ట్రేస్ కాలేదా.? ముమ్మరంగా దర్యాప్తు చేస్తున్న పోలీసులు..

టైలర్ షాపుకు ఆగంతకుడి నుంచి వచ్చిన కాల్ డేటాను పోలీసులు సేకరిస్తున్నారు. దానిని ఆధారంగా చేసుకుని పోలీసులు ఈ కేసును చేధించే క్రమంలో ఉన్నారు. అంతేకాకుండా ఈ కేసుకు సంబంధించి వివరాల విషయంలో పోలీసులు గోప్యత పాటిస్తున్నారు. ఆగంతకులు ఎలాంటి క్లూ తెలియకుండా ఉండేలా పోలీసులు పకడ్బందీగా దర్యాప్తు చేస్తున్నారు. గౌతమ్ తండ్రిని వెంటపెట్టుకుని పోలీసులు గాలింపు చర్యలు చేపట్టారు. పూర్తి వివరాలు మాత్రం బయటికి రానివ్వట్లేదు. 24 గంటలు గడుస్తున్నా.. గౌతమ్ ఇంటికి చేరకపోయేసరికి వాళ్ళ ఇంటి వద్ద విషాద ఛాయలు అలుముకున్నాయి. తల్లి కన్నీరుమున్నీరుగా విలపిస్తోంది. ఒకదశలో సృహ తప్పిపడిపోయింది. కాగా, పోలీసులు ఈ కేసును ఛాలెంజింగ్‌గా తీసుకున్నారు. ఈ క్రమంలో జిల్లా ఎస్పీ భాస్కర్ నాలుగు టీంలను ఏర్పాటు చేశారు. ఆగంతుకుడి కాల్ ట్రేస్ చేయడమే కాకుండా.. బాలుడి తల్లిదండ్రుల కాల్ డేటాను కూడా సేకరించి ఎవరైనా పాత కక్షలతో గౌతమ్‌ను కిడ్నాప్ చేసారా.? అన్న కోణంలో దర్యాప్తు కొనసాగిస్తున్నారు. ఇక కిడ్నాప్ విషయంలో ఇప్పటివరకు ఎలాంటి కాల్ రాలేదని తెలుస్తోంది.

ఇంకా ట్రేస్ కాని దుండగుడి ఫోన్ కాల్.. ఆందోళనలో తల్లిదండ్రులు.. గంటలు గడిచే కొద్దీ టెన్షన్.. 22 గంటలు పూర్తయిన దొరకని గౌతమ్ ఆచూకీ.!

సూర్యాపేట బాలుడు అదృశ్యం కేసులో పోలీసులు గాలింపు చర్యలు ముమ్మరం చేశారు. గౌతమ్ నివాసం వెనుక ఉన్న లేడీస్ టైలర్ షాపుకు దుండగుడి నుంచి ఫోన్ కాల్ రావడంతో పోలీసులు ఆ కాల్ ఎక్కడ నుంచి వచ్చింది.? సిమ్ ఎవరదన్న కోణంలో దర్యాప్తు చేస్తున్నారు.? అంతేకాకుండా గత రాత్రి కొంతమంది గుర్తు తెలియని వ్యక్తులు బైకులపై తిరిగారని స్థానికులు చెబుతుండటంతో.. వాళ్లు ఎవరన్న అంశంపై కూడా పోలీసులు కూపీ లాగుతున్నారు. ఎక్కడా కూడా వివరాలు బయటికి రాకుండా పోలీసులు జాగ్రత్త పడుతున్నారు.

బాలుడి అదృశ్యం: పోలీసులకు దొరికిన లీడ్.. లేడీ టైలర్ షాపుకు గుర్తు తెలియని వ్యక్తి ఫోన్ కాల్..

సూర్యాపేట బాలుడి అదృశ్యం కేసులో పోలీసులకు లీడ్ దొరికింది. బాలుడు నివాసం వెనుక బజారులో ఉన్న లేడీ టైలర్ షాపుకు గుర్తు తెలియని వ్యక్తి ఫోన్ చేశాడు. ”మీ ప్రాంతంలో తప్పిపోయిన బాలుడు.. తమ దగ్గరే ఉన్నదంటూ” ఆ దుండగుడు సమాచారం ఇచ్చాడు. అతని మాటలపై అనుమానం రావడంతో.. టైలర్ పోలీసులకు సమాచారం అందించారు. ‘అసలు ఆ ఫోన్ కాల్ ఎక్కడ నుంచి వచ్చింది.? సిమ్ కార్డు ఎవరి పేరు మీద ఉంది.? అనే కోణాల్లో దర్యాప్తు చేస్తున్నారు.

తెలంగాణలో వరుసగా మిస్సింగ్ మిస్టరీస్.. పోలీసులకు విసురుతున్న ఛాలెంజ్‌.. అసలు వాళ్లంతా ఏమయ్యారు.!

తెలంగాణ రాష్ట్రంలో మిస్సింగ్ కేసులు కలకలం రేపుతున్నాయి. మొన్న నాగర్‌కర్నూలు.. ఆ తర్వాత కొమురం భీం జిల్లా.. ఇప్పుడు సూర్యాపేట.. ఒక్కొక్కరిగా మాయమవుతున్నారు. ఎక్కడున్నారో తెలియదు. ఏమవుతున్నారో తెలియదు. ఈ మిస్సింగ్ మిస్టరీ కేసులు పోలీసులకు మిస్టరీగా మారుతున్నాయి.

హరీష్ శంకర్ అనే వ్యక్తి తన ఇద్దరి పిల్లలతో ఆత్మహత్య చేసుకుంటున్నానని.. సెల్ఫీ వీడియో పెట్టి ఆ తర్వాత అదృశ్యమయ్యాడు. ఇక నెక్స్ట్ ఓ కానిస్టేబుల్ కూడా కనిపించకుండా పోయాడు. ఇప్పుడు ఐదేళ్ల బాలుడు మిస్సింగ్ కేసు నమోదైంది. ఈ ముగ్గురిది వేరు వేరు జిల్లాలైన అందరివి మిస్సింగ్ కేసులే. ఇక ఇప్పుడే ఇదే కలకలం రేపుతోంది.