ప్రపంచ నవంబర్ వన్‌ జొకోవిచ్‌కు షాకిచ్చిన ఆస్ట్రియా స్టార్… ఫైనల్ పోరుకు చేరుకున్న డొమినిక్ థీమ్

Dominic Thiem Reach Back-to-Back Finals :  అదిరిపోయే ఆట తీరుతో ప్రపంచ నవంబర్ వన్ నొవాక్ జొకోవిచ్‌కు షాకిచ్చిన ఆస్ట్రియా స్టార్ డొమినిక్ థీమ్ ఏటీపీ టూర్ టోర్నమెంట్ ఫైనల్‌కు చేరాడు. ఆద్యంతం నువ్వా నేనా అన్నట్లు సాగిన సెమీఫైనల్‌ పోరులో ప్రపంచ మూడో ర్యాంకర్‌ అయిన డొమినిక్‌ థీమ్‌  ఆదిపత్యం సాధించాడు.

లండన్ వేదికగా జరుగుతున్న ఏటీపీ ఫైనల్ పోరుకు మరోసారి డొమినిక్‌ థీమ్‌ చేరుకున్నాడు. ఇలా ఫైనల్‌కు థీమ్ చేరుకోవడం ఇది రెండో సారి. టాప్‌ సీడ్, సెర్బియా ఆటగాడు నొవాక్‌ జొకోవిచ్‌ తొలి సెమీఫైనల్లో గతేడాది రన్నరప్‌ థీమ్‌ 7-5, 6-7 (10/12), 7-6 (7/5)తో థీమ్ గెలుపొందాడు.

రెండో సెట్‌లో నాలుగు మ్యాచ్‌ పాయింట్లు వదులుకున్న థీమ్‌… నిర్ణాయక మూడో సెట్‌ టైబ్రేక్‌లో ఒక దశలో 0-4తో వెనుకబడ్డాడు. అయితే ఆట ఇక్కడే కీలక మలుపు తిరిగింది. వెనకబడుతున్న థీమ్ వెంటనే పుంజుకుని వరుసగా ఆరు పాయింట్లు గెలుచుకుని  6-4తో ఆధిక్యంలోకి వెళ్లాడు.

ఆ తర్వాత జొకోవిచ్‌ మరో పాయింట్‌ గెలిచినా… ఆ వెంటనే థీమ్‌ మరో పాయింట్‌ సాధించి 7-5తో టైబ్రేక్‌తోపాటు సెట్‌ను, మ్యాచ్‌ను గెలుచుకున్నాడు. టాప్‌ సీడ్ సెర్బియా వీరుడు నొవాక్‌ జొకోవిచ్‌-థీమ్‌ మధ్య 2 గంటల 54 నిమిషాలపాటు టైట్ ఫైట్ సాగింది.

అయితే థీమ్‌ కెరీర్‌లో ఇది 300వ విజయం కావడం విశేషం. రాఫెల్‌ నాదల్‌ (స్పెయిన్‌), మెద్వెదేవ్‌ (రష్యా) మధ్య జరిగే రెండో సెమీఫైనల్‌ విజేతతో నేడు జరిగే ఫైనల్లో థీమ్‌ ఆడతాడు.