ఆ ముగ్గురు ఔట్… కొత్త సెలెక్టర్ల కోసం బీసీసీఐ ప్రకటన

ఆ ముగ్గురు ఔట్... కొత్త సెలెక్టర్ల కోసం బీసీసీఐ ప్రకటన

Applications For The Selectors : టీమిండియా సెలెక్టర్ల కమిటీలో మూడు పోస్టుల నియామకానికి బీసీసీఐ దరఖాస్తులు ఆహ్వానిస్తోంది. సెలెక్టర్ల కమిటీలోని ముగ్గురి పదవీకాలం పూర్తవ్వడంతో ఈ ప్రకటన జారీ చేసింది. వీరి ఎంపికకు కొన్ని అర్హతలను ప్రకటించింది. ఆ అర్హతలు ఉన్నవారు మాత్రమే అప్లై చేసుకోవాలని కోరింది. నిబంధనల ప్రకారం జాతీయ జట్టు సెలెక్టర్లు కావాలంటే టీమిండియా తరపున కనీసం 7 టెస్టులు లేదా 30 ఫస్ట్​క్లాస్​ మ్యాచ్​లు లేదా 10 వన్డేలు లేదా 20 […]

Sanjay Kasula

|

Nov 11, 2020 | 12:22 AM

Applications For The Selectors : టీమిండియా సెలెక్టర్ల కమిటీలో మూడు పోస్టుల నియామకానికి బీసీసీఐ దరఖాస్తులు ఆహ్వానిస్తోంది. సెలెక్టర్ల కమిటీలోని ముగ్గురి పదవీకాలం పూర్తవ్వడంతో ఈ ప్రకటన జారీ చేసింది. వీరి ఎంపికకు కొన్ని అర్హతలను ప్రకటించింది. ఆ అర్హతలు ఉన్నవారు మాత్రమే అప్లై చేసుకోవాలని కోరింది.

నిబంధనల ప్రకారం జాతీయ జట్టు సెలెక్టర్లు కావాలంటే టీమిండియా తరపున కనీసం 7 టెస్టులు లేదా 30 ఫస్ట్​క్లాస్​ మ్యాచ్​లు లేదా 10 వన్డేలు లేదా 20 ఫస్ట్​క్లాస్​ మ్యాచ్​లు ఆడాల్సి ఉంటుంది. ఐదేళ్ల క్రితం రిటైర్​ అయ్యి ఉండాలి. 60 ఏళ్లు మించకూడదు అని ప్రకటనలో పేర్కొంది. నవంబరు 15 లోపు ఆశావహులు తమ దరఖాస్తులు సమర్పించాలని బీసీసీఐ ప్రకటనలో పేర్కొంది. కొత్తగా నియామకం అయ్యే ముగ్గురు కొత్త సెలెక్టర్లు సునీల్​ జోషీ నేతృత్వంలోని ప్యానెల్​లో భాగంగా ఉంటారు.

సెలెక్షన్​ కమిటీలోని సరన్​దీప్​ సింగ్​, దేవాంగ్​ గాంధీ, జతిన్ పరంజాపే పదవీకాలం ముగిసింది. సరన్​దీప్​, దేవాంగ్​, జతిన్​ ఈ ముగ్గురు ఆస్ట్రేలియా సిరీస్​కు భారత జట్టును ఎంపిక చేసినవారిలో ఉన్నారు. భారత్​, ఆస్ట్రేలియా మధ్య మూడు వన్డేలు, మూడు టీ20లు, నాలుగు టెస్టు మ్యాచ్​లు జరగనున్నాయి. ప్రపంచ టెస్టు ఛాంపియన్​షిప్​లో భాగంగా ఈ మ్యాచ్​లను ఆడనున్నారు.

ఈ ఛాంపియన్​షిప్​ పట్టికలో అగ్రస్థానంలో భారత్​ ఉండగా.. రెండో స్థానంలో ఆస్ట్రేలియా ఉంది. ఈ ఏడాది ప్రారంభంలో జరిగిన ఆస్ట్రేలియా సిరీస్​లో భారత్​ గెలుపొందింది.

Follow us on

Related Stories

Most Read Stories

Click on your DTH Provider to Add TV9 Telugu