కరోనా వ్యాక్సిన్‌ అభివృద్ధిలో ‘అరబిందో ఫార్మా’!

దేశంలో కోవిద్-19 విలయతాండవం చేస్తోంది. ఈ మహమ్మారి కట్టడికోసం పలు కంపెనీలు వ్యాక్సిన్ కనుగొనే దిశగా పరిశోధనలు కొనసాగిస్తున్నాయి. ఈ క్రమంలో కరోనా సహా పలు వైరస్‌ల అంతానికి వ్యాక్సిన్లను అభివృద్ధి చేసే పనిలో అరబిందో ఫార్మా నిమగ్నమైంది. ఈ మేరకు డిపార్ట్‌మెంట్‌ ఆఫ్‌ బయోటెక్నాలజీ ఫండింగ్‌కు తమ వ్యాక్సిన్‌ క్యాండిడేట్‌ ఎంపిక అయినట్టు వెల్లడించింది. గత ఆర్థిక సంవత్సరంలో సంస్థ అనుబంధ కంపెనీ ఆరో వ్యాక్సిన్స్‌ ద్వారా ప్రొఫెక్టస్‌ బయోసైన్సెస్‌ ఆర్‌అండ్‌డీ ఆస్తులను కొనుగోలు చేశామని, తద్వారా వ్యాక్సిన్ల విభాగంలో బలం పెంచుకున్నామని వివరించింది.

బయోటెక్నాలజీ ఇండస్ట్రీ రీసెర్చ్ అసిస్టెన్స్ కౌన్సిల్, బయోటెక్నాలజీ విభాగం చేత తమ టీకా షార్ట్‌లిస్ట్ చేయబడిందని, తద్వారా అభివృద్ధికి నిధులు సమకూరుతాయని అరబిందో తెలిపింది. న్యుమోనియా బారిన పడకుండా ఇచ్చే న్యూమోకాకల్‌ కాంజుగేట్‌ వ్యాక్సిన్‌ను సైతం కంపెనీ అభివృద్ధి చేస్తోంది. ఓరల్స్‌ తయారీకై చైనాలో, ఇంజెక్టేబుల్స్, ప్యాచెస్, టాపికల్స్, ఇన్‌హేలర్స్‌ వంటి ఉత్పత్తుల తయారీకై భారత్‌తోపాటు యూఎస్‌లో కొత్తగా ప్లాంట్లను స్థాపిస్తోంది. నూతనంగా ఏర్పాటైన బయోసిమిలర్స్, వ్యాక్సిన్స్‌ తయారీ యూనిట్లు కార్యకలాపాలకు సిద్ధమయ్యాయి.

Read More:

ఏపీలోని ఆ జిల్లాల్లో.. మరోసారి కఠిన లాక్‌డౌన్..?

జగన్ కీలక నిర్ణయం.. సామాజిక ఆసుపత్రుల్లోనూ ఆక్సిజన్‌ బెడ్స్..!